Read Traducción Kadosh Israelita Mesiánica ფსალმუნები 35 Bible Online

ფსალმუნები 35 - Traducción Kadosh Israelita Mesiánica bible

ფსალმუნები 35

¹ცოდვა ელაპარაკება უღმერთოს თავისივე გულის სიღრმეში: არ არის ღვთის შიში მის თვალთა წინაშე.

²პირფერობით იტყუებს თავს, თითქოს ეძებს თავის დანაშაულს, რომ შეიძულოს ის.

³ბოროტება და სიყალბეა მისი ბაგეების სიტყვები, მიტოვებული აქვს სიბრძნე და სიკეთის ქმნა.

⁴უსამართლობას იზრახავს თავის სარეცელზე, უკეთურ გზას ადგას, ბოროტებაზე უარს არ ამბობს.

⁵უფალო, ზეცამდეა შენი წყალობა, ცას სწვდება შენი ერთგულება.

⁶სიმართლე შენი - ვითარცა მთები ღმერთისა, სამართალი შენი - ღრმა უფსკრულივით. ადამიანსა და პირუტყვს შენ იცავ უფალო.

⁷რაოდენ ძვირფასია შენი წყალობა, ღმერთო, კაცთა შვილები შენს ფრთებქვეშ აფარებენ თავს.

⁸დაპურდებიან შენი სახლის სიუხვით, შენს სიტკბოთა ნაკადებიდან შეასმევ მათ.

⁹რადგან შენ გაქვს სიცოცხლის წყარო, შენი შუქით ვხედავთ სინათლეს.

¹⁰სიკეთე გადმოღვარე მათზე, ვინც შენ გიცნობს და სიმართლე - გულით მართლებზე.

¹¹ნუ მოაღწევს ამპარტავანთა ფეხი ჩემამდე და ნურც ბოროტთა ხელი განმდევნის მე.

¹²იქ დაეცნენ მოქმედნი უსამართლობისა, დაენარცხნენ და აღარ ძალუძთ წამოდგომა.