Read Traducción Kadosh Israelita Mesiánica ფსალმუნები 37 Bible Online

ფსალმუნები 37 - Traducción Kadosh Israelita Mesiánica bible

ფსალმუნები 37

¹უფალო, შენი რისხვით ნუ მამხელ და ნუ დამსჯი განრისხების ჟამს.

²რადგან ღრმად ჩამერჭო შენი ისრები და შენი ხელი მამძიმებს.

³ჯანსაღი ადგილი აღარ შემრჩა სხეულზე შენი რისხვის გამო; სიმშვიდე დაეკარგა ჩემს ძვლებს, ჩემი ცოდვის გამო.

⁴რადგან ჩემს თავს გასცილდნენ ცოდვანი ჩემნი, მძიმე ტვირთივით დამძიმდნენ ჩემზე.

⁵ჭრილობები ამიყროლდა და დამიჩირქდა, ჩემი უგუნურობის გამო.

⁶მოვიდრიკე და დავმდაბლდი, მთელ დღეს მგლოვიარე დავიარები.

⁷რადგან ჩემი წელი სიცხითაა გათანგული და ჯანსაღი ადგილი აღარ შერჩა ჩემს სხეულს.

⁸მეტისმეტად დავუძლურდი და დავძაბუნდი, ვღრიალებ ჩემი გულის სატკივრით.

⁹უფალო, შენ წინაშეა ყველა ჩემი სურვილი და ჩემი ოხვრაც არაა დაფარული შენგან.

¹⁰თრთის ჩემი გული, ძალღონემ მიმატოვა და აღარც თვალის სინათლეა ჩემთან.

¹¹ჩემი მოყვარულნი და მეგობარნი განერიდნენ ჩემს წყლულებს და ჩემი ახლობლები შორს განმიდგნენ.

¹²მახეს მიგებენ ჩემი სულის მაძიებლები, ჩემი სიავის მსურველები განადგურებით მემუქრებიან და მთელ დღეს მზაკვრობას განიზრახავენ.

¹³მე კი არ ვისმენ, ვითარცა ყრუ და მუნჯი, პირს რომ ვერ აღებს.

¹⁴და დავემგვანე კაცს, რომელსაც არ ესმის და რომლის ბაგეებსაც არ შეუძლიათ პასუხის გაცემა.

¹⁵მაგრამ შენ გენდობი უფალო და შენ მიპასუხებ უფალო, ღმერთო ჩემო.

¹⁶ვთქვი: ნუმც გაიხარონ ჩემზე; თუ ფეხი გადამიბრუნდა, გამედიდურდებიან ჩემს წინააღმდეგ.

¹⁷მარცხი მემუქრება და ჩემი სატკივარი მუდამ ჩემს წინაა.

¹⁸ჩემს დანაშაულს ვაღიარებ და ფრიად ვგლოვობ ჩემს ცოდვაზე.

¹⁹ჩემი მტრები კი ცოცხლობენ და ძლიერდებიან; გამრავლდნენ ჩემი ამაოდ მოძულენი.

²⁰კეთილის წილ ბოროტის გადამხდელნი, იმისთვის მემტერებიან, სიკეთეს რომ მივყვები.

²¹ნუ მიმატოვებ, უფალო, ღმერთო ჩემო, ნუ განმშორდები.

²²იჩქარე ჩემს შესაწევნად უფალო, მხსნელო ჩემო!