Read Traducción Kadosh Israelita Mesiánica ფსალმუნები 38 Bible Online

ფსალმუნები 38 - Traducción Kadosh Israelita Mesiánica bible

ფსალმუნები 38

¹ვთქვი - დავიცავ ჩემს გზებს, რომ არ შევცოდო ჩემი ენით, ალიკაპს ავიკრავ პირზე, ვიდრე ბოროტნი იმყოფებიან ჩემს წინაშე.

²დავმუნჯდი და ხმას არ ვიღებდი, სიკეთეზეც აღარ ვლაპარაკობდი, მაგრამ გამიძლიერდა ვაება.

³გახურდა გული ჩემ შიგნით, ცეცხლი აღმეგზნო აზრებში და ავლაპარაკდი ჩემი ენით:

⁴მაუწყე, უფალო, ჩემი აღსასრული და ჩემი დღეების რაოდენობა, რათა ვიცოდე, რა დღემოკლე ვარ.

⁵აჰა, გოჯებით მომეცი დღენი, არაფერია შენ წინაშე ჩემი ცხოვრება; დიახ, ერთი ამოსუნთქვაა კაცის სიცოცხლე.

⁶ნამდვილად აჩრდილივითაა ადამიანი, ამაოდ ფაციფუცობს, აგროვებს და არ იცის, ვის დარჩება.

⁷და ახლა, რაღას ველი, უფალო? შენზეა ჩემი იმედი.

⁸მიხსენი ჩემი ყოველი დანაშაულისგან, ნუ გამხდი ბრიყვის გასალანძღად.

⁹დავმუნჯდი, ბაგეს აღარ ვხსნი, რადგან შენ ჰქმენ ასე.

¹⁰ამარიდე შენი დარტყმები; შენი ხელის დარტყმებისგან ვიღუპები.

¹¹მხილებებით დასჯი ადამიანს ცოდვისთვის, ჩრჩილივით შეჭამ ყველაფერს, რაც მისთვის ძვირფასია; ჭეშმარიტად, ამაოებაა ყოველი კაცი.

¹²ისმინე ჩემი ლოცვა უფალო და ჩემს ვედრებას ყური მოაპყარ; ნუ დადუმდები ჩემი ცრემლების მიმართ, რადგან მწირი ვარ შენთან და ხიზანი, როგორც ჩემი მამა-პაპა.

¹³თვალი ამარიდე, რათა მოვმაგრდე, ვიდრე წავიდოდე და აღარ ვიქნებოდე.