Read Traducción Kadosh Israelita Mesiánica ფსალმუნები 39 Bible Online

ფსალმუნები 39 - Traducción Kadosh Israelita Mesiánica bible

ფსალმუნები 39

¹უფალზე ვამყარებდი იმედს, ყური მომაპყრო და ისმინა ჩემი ვედრება.

²საზარელი ორმოდან და გაუვალი ლაფიდან ამომიყვანა; კლდეზე დააყენა ჩემი ფეხები და განმიმტკიცა ნაბიჯები.

³ახალი სიმღერა მისცა ჩემს ბაგეებს ჩვენი ღმერთის განსადიდებლად. მრავალნი იხილავენ შეშინდებიან და მიენდობიან უფალს.

⁴ნეტარია კაცი, ვინც უფალზე ამყარებს იმედს და არ მიმართავს ამაყებს და სიცრუის მოყვარულებს.

⁵მრავალი სასწაული მოიმოქმედე უფალო, ღმერთო ჩემო; ჩვენს წინაშეა შენი სასწაულები და ზრახვანი - ვინ შეგედრება შენ! ვიქადაგებ და ვილაპარაკებ მათზე, თუმცა ვერ აღირიცხება სიმრავლის გამო.

⁶მსხვერპლი და შესაწირი არ ისურვე, მაგრამ სასმენელი გამიხსენი; ცოდვის მსხვერპლი და სრულადდასაწველი არ მოგითხოვია;

⁷მაშინ ვთქვი - აჰა, მოვდივარ, როგორც გრაგნილში წერია ჩემზე.

⁸შენი ნების აღსრულება მწადია ღმერთო და რჯული შენი ჩემს გულშია.

⁹შენი სამართალი გამოვუცხადე დიდ კრებულს; აჰა, ბაგე ჩემი არ მომიკუმავს უფალო, შენ უწყი.

¹⁰გულში არ დამიფარავს შენი სიმართლე, შენს ერთგულებასა და შენმიერ ხსნაზე ვლაპარაკობდი, არ დამიმალავს დიდ კრებულში შენი წყალობა და ჭეშმარიტება.

¹¹ო, უფალო, არც შენ შეაკავო შენი თანაგრძნობა; დაე, მუდამ მიცავდეს შენი წყალობა და ჭეშმარიტება.

¹²რადგან აურაცხელი უბედურება მახვევია გარს, ჩემი ცოდვები წამომეწია და ვეღარაფერს ვხედავ; ჩემი თავის თმაზე მეტად მომრავლდნენ და გულმა მიმატოვა.

¹³ისურვე უფალო ჩემი ხსნა; გამოეშურე ჩემს დასახმარებლად უფალო.

¹⁴ერთიანად შერცხვნენ და გაწბილდნენ, ვინც ჩემს დაღუპვას ეძებს, უკუიქცნენ და დამცირდნენ, ვინც ბოროტებას მისურვებს;

¹⁵დაე, შეძრწუნდნენ სირცხვილისგან, ვინც მეუბნება: ოჰო, ოჰო!

¹⁶იზეიმოს და იმხიარულოს ყველამ, ვინც შენ გეძებს. შენი ხსნის მოყვარულებმა თქვან მუდამ: დიდია უფალი!

¹⁷მე კი ღატაკი და გაჭირვებული ვარ, დაე უფალმა იზრუნოს ჩემზე. შენა ხარ ჩემი დამხმარე და მხსნელი; ო, ღმერთო ჩემო, ნუ დააყოვნებ.