Read Traducción Kadosh Israelita Mesiánica ფსალმუნები 40 Bible Online

ფსალმუნები 40 - Traducción Kadosh Israelita Mesiánica bible

ფსალმუნები 40

¹ნეტარია, ვინც ღატაკზე ფიქრობს. უბედურების დღეს იხსნის მას უფალი.

²უფალი დაიცავს მას, აცოცხლებს და კურთხეული იქნება ქვეყანაზე; არ ჩააგდებს მისი მტრების ხელთ, მათი სურვილისამებრ.

³უფალი გაამაგრებს მას მისი სნეულების სარეცელზე; ავადმყოფობის სარეცელიდან წამოაყენებს მას.

⁴ვთქვი უფალო: შემიწყალე და განმკურნე, რადგან შეგცოდე.

⁵ავს ამბობენ ჩემზე ჩემი მტრები: როდის მოკვდებაო და გაქრება მისი სახელი.

⁶თუ სანახავად მოვა ვინმე, სიცრუეს ლაპარაკობს, გულში კი მზაკვრობას თხზავს; გარეთ გავა და ალაპარაკდება.

⁷ყველა ჩემი მოძულე ერთად ჩურჩულებს ჩემს წინააღმდეგ და ავს განიზრახავენ ჩემზე:

⁸ამბობენ: სასიკვდილო სენი დაეუფლა, დაწვა და ვეღარ წამოდგებაო.

⁹ჩემმა ახლო მეგობარმაც კი, რომელსაც ვენდობოდი და რომელიც ჩემს პურს ჭამდა, ტერფი აღმართა ჩემ წინააღმდეგ.

¹⁰შენ კი შემიწყალე უფალო და წამომაყენე და მე მივუზღავ მათ.

¹¹ამით გავიგებ, რომ სათნო ვარ შენთვის, როცა მტერი ვერ გაიხარებს ჩემზე.

¹²შემეწიე ჩემი უბიწოებისთვის და შენ წინაშე დამაყენე სამარადისოდ.

¹³კურთხეულია უფალი, ღმერთი ისრაელისა უკუნითი უკუნისამდე. ამინ, ამინ!