Read Traducción Kadosh Israelita Mesiánica ფსალმუნები 47 Bible Online

ფსალმუნები 47 - Traducción Kadosh Israelita Mesiánica bible

ფსალმუნები 47

¹დიადია უფალი და დიდად საქებარი, ჩვენი ღმერთის ქალაქში, მის წმიდა მთაზე.

²მაღალია და მშვენიერი, მთელი ქვეყნიერების სიხარულია მთა სიონისა ჩრდილოეთის კიდეზე; დიდი მეფის ქალაქია იგი.

³ცნობილია ღმერთი თავის სამკვიდრებელში, როგორც სიმაგრე.

⁴რადგან აგერ შეიკრიბნენ მეფენი და საომრად გამოვიდნენ,

⁵მაგრამ ნახეს სიონი და განცვიფრდნენ, შეძრწუნდნენ და გაიქცნენ.

⁶ძრწოლამ შეიპყრო ისინი, მშობიარესავით იკლაკნებიან.

⁷აღმოსავლეთის ქარით დაამსხვრიე შენ თარშიშის ხომალდები.

⁸როგორც ვისმინეთ, ისე ვიხილეთ - ცაბაოთ უფლის ქალაქში, ჩვენი ღმერთის ქალაქში. ღმერთი დააფუძნებს მას უკუნისამდე.

⁹შენი ტაძრის შუაგულში შენს წყალობაზე ვფიქრობდით, ღმერთო.

¹⁰როგორც შენი სახელი, შენი ქებაც დედამიწის კიდით-კიდემდეა ღმერთო; სიმართლით სავსეა შენი მარჯვენა.

¹¹დაე, იხაროს სიონის მთამ, იმხიარულონ იუდას ქალწულებმა შენი სამართალის გამო;

¹²ყოველი მხრიდან მიეახლეთ და გარს შემოუარეთ სიონს; დათვალეთ მისი კოშკები.

¹³დააკვირდით მის სიმაგრეებს; დაიარეთ მისი დარბაზები, რათა უამბოთ მომავალ თაობას.

¹⁴რადგან ასეთია ღმერთი, ჩვენი ღმერთი უკუნითი უკუნისამდე; ის წარგვიძღვება ჩვენ სიკვდილამდე.