Read Traducción Kadosh Israelita Mesiánica ფსალმუნები 55 Bible Online

ფსალმუნები 55 - Traducción Kadosh Israelita Mesiánica bible

ფსალმუნები 55

¹შემიწყალე, ღმერთო, რადგან გამთელა კაცმა, მთელ დღეს მებრძვის და მავიწროებს.

²მთელ დღეს მთელავდა ჩემი მტერი, რადგან მრავალი მებრძვის ამპარტავნულად, უზენაესო,

³როდესაც მეშინია, შენზე ვდებ იმედს.

⁴ღმერთზე, რომლის სიტყვასაც ვაქებ; ღმერთზე ვარ მინდობილი და არ მეშინია, რას მიზამს ხორციელი?

⁵მთელ დღეს ამახინჯებდნენ ჩემს სიტყვებს; ავია ყოველი მათი ზრახვა ჩემს მიმართ.

⁶თავს მესხმიან, მიდარაჯდებიან ჩემი მდევრები, ჩემს ყოველ ნაბიჯს აკვირდებიან და ჩემს სიცოცხლეს უსაფრდებიან.

⁷ნუთუ ამ სიმრუდეს უნდა გადაურჩნენ? რისხვით დაამხე ხალხები, ღმერთო!

⁸ჩემი ხეტიალი აღრიცხული გაქვს; შენს ჭურჭელში მოათავსე ჩემი ცრემლები - განა შენს წიგნში არ არიან ისინი?

⁹უკუიქცევიან ჩემი მტრები, რა დღესაც მოგიხმობ. ამით გავიგებ, რომ ღმერთი ჩემთანაა.

¹⁰ღმერთს, რომლის სიტყვასაც ვაქებ, უფალს, რომლის სიტყვასაც ვადიდებ;

¹¹ღმერთს მივენდე - არ მეშინია; რას მიზამს კაცი?

¹²ღმერთო, ჩემს დაპირებებს შენდამი აღვასრულებ; მადლიერების მსხვერპლებს შემოგწირავ.

¹³რადგან მიხსენი მე სიკვდილისგან, ფეხი ჩემი - წაბორძიკებისგან, რათა ვიარო ღვთის წინაშე სიცოცხლის სინათლეში.