Read Traducción Kadosh Israelita Mesiánica ფსალმუნები 56 Bible Online

ფსალმუნები 56 - Traducción Kadosh Israelita Mesiánica bible

ფსალმუნები 56

¹შემიწყალე ღმერთო, შემიწყალე, რადგან შენ მოგენდო ჩემი სული; შენი ფრთების ჩრდილქვეშ შევაფარებ თავს, ვიდრე უბედურება გადაივლიდეს.

²უზენაეს ღმერთს მოვუხმობ, ღმერთს, რომელიც თავის ზრახვებს აღასრულებს ჩემზე.

³ზეციდან გამომიგზავნის ხსნას და შეარცხვენს ჩემი გათელვის მსურველს. თავის წყალობასა და ჭეშმარიტებას გამომიგზავნის ღმერთი.

⁴ჩემი სული ლომებს შორისაა მოქცეული; ვწევარ მჭამელთა შორის, ადამის ძეთა შორის, რომელთა კბილები მშვილდისრებია, ენა კი ბასრი მახვილი.

⁵ამაღლდი ცათა ზემოთ, ღმერთო; მთელს დედამიწაზე იყოს შენი დიდება.

⁶ბადე გაამზადეს ჩემთა ფერხთათვის; ჩემი სული მოიდრიკა; წინ ორმო გამითხარეს და თვითონ ჩაცვივდნენ შიგ.

⁷მტკიცეა ჩემი გული ღმერთო, მტკიცეა ჩემი გული, გიმღერებ და გიგალობებ.

⁸გამოიღვიძე, დიდებავ ჩემო, გამოიღვიძე ჩანგო და ქნარო; გამოვაღვიძებ განთიადს.

⁹განგადიდებ ხალხებში უფალო, გიგალობებ ერებში.

¹⁰რადგან შენი სიკეთე ზეცას სწვდება, ღრუბლებამდეა - ჭეშმარიტება შენი.

¹¹ამაღლდი ცათა ზემოთ ღმერთო; მთელ დედამიწაზე იყოს შენი დიდება.