Read Traducción Kadosh Israelita Mesiánica ფსალმუნები 57 Bible Online

ფსალმუნები 57 - Traducción Kadosh Israelita Mesiánica bible

ფსალმუნები 57

¹განა მართლა სიმართლეს ლაპარაკობთ მმართველებო? სამართლიანად სჯით ადამის ძეებს?

²არა, გულში უსამართლობას თხზავთ, დედამიწაზე თქვენს ხელთა ძალადობას დებთ სასწორზე.

³დედის მუცლიდანვე გადაუხვიეს ბოროტებმა და დაბადებიდანვე ამბობენ სიცრუეს.

⁴შხამი მათი მსგავსია გველის შხამისა, ყრუ ასპიტისა, ყურს რომ დაიხშობს,

⁵რომ არ ისმინოს ხმა მომნუსხველთა და არც დახელოვნებულ მისანთ-მისნისა.

⁶ღმერთო! შენ ჩაულეწე მათ კბილები პირში; ეშვები ჩაუმტვრიე ლომის ბოკვერებს, უფალო!

⁷გაქრნენ, ვითარცა წყალი დაღვრილი; როცა ისრებს მოზიდავენ, იყოს გადამსხვრეულივით.

⁸ლოკოკინასავით დადნენ; ქალის საშოდან მოწყვეტილივით ვერ იხილონ მზე.

⁹ვიდრე იგრძნობდნენ თქვენი ქვაბები ცეცხლმოკიდებულ ეკალს; ნედლსაც და გამხმარსაც ქარიშხალივით წარხვეტს.

¹⁰გაიხარებს მართალი, როცა იხილავს შურისგებას; ფეხებს დაიბანს ბოროტის სისხლში.

¹¹და იტყვის კაცი: - ნამდვილად აქვს საზღაური მართალს! მართლაც არის ღმერთი, რომელიც განსჯის ქვეყნიერებას.