Read Traducción Kadosh Israelita Mesiánica ფსალმუნები 59 Bible Online

ფსალმუნები 59 - Traducción Kadosh Israelita Mesiánica bible

ფსალმუნები 59

¹ღმერთო, მიგვატოვე და გაგვაპარტახე, გაგვირისხდი და კვლავ აღგვადგინე.

²შეაზანზარე და გააპე მიწა; განკურნე მისი ჭრილობები, რადგან ტორტმანებს.

³სიძნელეებში გაატარე შენი ერი, ღვინო გვასვი და ავბარბაცდით.

⁴ბაირაღი მიეცი შენს მოშიშებს, რათა აფრიალდეს ჭეშმარიტებისთვის.

⁵გვიხსენი შენი მარჯვენით და გვიპასუხე რათა გადარჩნენ ვინც შენ გიყვარს.

⁶თქვა ღმერთმა თავის სიწმიდეში: ვიზეიმებ, დავყოფ შექემს და სუქოთის ველს გადავზომავ.

⁷ჩემია გილყადი და ჩემია მენაშე, ეფრემი ჩაჩქანია ჩემი თავისა, იუდა - რჯულმდებელი ჩემი.

⁸მოაბი ავზია ჩემი განსაბანელი, ედომს ფეხსამოსს გადავუგდებ, ფილისტიმს ხმამაღლა დავძახებ.

⁹ვინ შემიყვანს გამაგრებულ ქალაქში? ვინ გამიძღვება ედომამდე?

¹⁰თუ არა შენ ო, ღმერთო, რომელმაც მიგვატოვე და არ გამოდიხარ ო, ღმერთო, ჩვენს ლაშქართან.

¹¹მოგვმადლე შველა მტრებთან ბრძოლაში, რადგან ამაოა ხსნა ადამიანისგან.

¹²ღმერთით ვიქმთ დიად საქმეებს, ფეხქვეშ გათელავს იგი ჩვენს მტრებს.