Read Traducción Kadosh Israelita Mesiánica ფსალმუნები 62 Bible Online

ფსალმუნები 62 - Traducción Kadosh Israelita Mesiánica bible

ფსალმუნები 62

¹ღმერთო! შენ ხარ ჩემი ღმერთი, შენ დაგეძებ, შენ სწყურიხარ ჩემს სულს. შენკენ მოილტვის ჩემი სხეული უკაცრიელ და გამოფიტულ, უწყლო მიწაზე.

²ასე გიხილე საწმიდარში; ვიხილე შენი ძალა და დიდება შენი

³რადგან სიცოცხლეზე უკეთესია შენი წყალობა, გაქებენ შენ ჩემი ბაგენი.

⁴ამიტომ გადიდებ, სანამ ვიცოცხლებ, შენი სახელით აღვაპყრობ ხელებს.

⁵ვითარცა ცხიმით და სიმსუქნით დანაყრდა ჩემი სული და სიხარულით გაქებს ჩემი პირი.

⁶როცა გიხსენებ ჩემს სარეცელზე, მთელი ღამეები ვფიქრობ შენზე.

⁷რადგან შენ იყავი შემწე ჩემი, შენი ფრთების ჩრდილქვეშ გავიხარებ.

⁸შენ მოგტმასნია სული ჩემი; შენს მარჯვენას ვუკავივარ.

⁹ისინი კი, ვინც ჩემს დაღუპვას ეძებენ - ქვესკნელში ჩავლენ.

¹⁰მახვილის წერა გახდებიან, ტურების კერძი შეიქნებიან.

¹¹მეფე კი ღმერთით გაიხარებს; შეაქებენ ყველას, ვინც მას იფიცებს, ტყუილის მოლაპარაკეთა პირი კი დაიგმანება.