Read Traducción Kadosh Israelita Mesiánica ფსალმუნები 63 Bible Online

ფსალმუნები 63 - Traducción Kadosh Israelita Mesiánica bible

ფსალმუნები 63

¹ისმინე ღმერთო, ჩემი წუხილის ხმა, მტრის შიშისგან დაიცავი ჩემი სიცოცხლე.

²დამიფარე სიავის მოქმედთა ფარული ზრახვებისგან, სიმრუდის მოქმედთა ამბოხისგან.

³რომლებმაც მახვილივით აილესეს ენები, მწარე სიტყვას ისარივით მიმიზნებენ,

⁴რათა საფარიდან ესროლონ უდანაშაულოს; მოულოდნელად ესვრიან და არ ეშინიათ.

⁵ძალას იკრებენ ცუდი საქმისთვის, თათბირობენ მახეების დასაგებად, ამბობენ: ვინ შეამჩნევს?

⁶სიმრუდეს იზრახავენ, ამბობენ: კარგად მომზადებული გეგმა გვაქვსო; მართლაც ვერაგია კაცის შინაგანი გულის ზრახვები.

⁷მაგრამ ღმერთი ესვრის მათ ისარს, მოულოდნელად დაწყლულდებიან.

⁸მათი ენების გამო დაანარცხებს მათ; თავს გააქნევს ყოველი მათი მხილველი.

⁹და შეშინდება ყველა კაცი. ილაპარაკებენ ღმერთის საქმეებზე და მის ნამოქმედარს ჩაუკვირდებიან.

¹⁰უფალში გაიხარებს მართალი და მასში ჰპოვებს თავშესაფარს. განდიდდება ყველა გულმართალი.