Read Traducción Kadosh Israelita Mesiánica ფსალმუნები 64 Bible Online

ფსალმუნები 64 - Traducción Kadosh Israelita Mesiánica bible

ფსალმუნები 64

¹ხოტბა შეგშვენის ღმერთო, სიონზე; შენ აგისრულებენ აღთქმებს.

²ლოცვის შემსმენელო, შენთან მოვა ყველა ხორციელი.

³როცა გვჯაბნიან ჩვენი ცოდვები, შენ შეგვინდობ ჩვენს დანაშაულს.

⁴ნეტარია, ვისაც ამოირჩევ და დაიახლოვებ, რომ იცხოვროს შენს ეზოებში; გავძღებით შენი სახლის, შენი წმიდა ტაძრის სიკეთით.

⁵შიშის მომგვრელი საქმეებით და სიმართლით გვიპასუხე, ღმერთო, ჩვენო მხსნელო, დედამიწის ყველა კუთხისა და შორეული ზღვის მცხოვრებთა იმედო.

⁶მთები დააფუძნე შენი ძალით, ძლიერებით ხარ გარშემორტყმული.

⁷შენ აწყნარებ ზღვათა ღრიალს, მათი ტალღების ხმაურს და ერების მღელვარებას.

⁸შეშინდებიან შენი ნიშნების გამო დედამიწის კიდეთა მცხოვრებნი, შენი წყალობის სიხარულით ყიჟინებს განთიადი და დაისი.

⁹ზრუნავ მიწაზე და რწყავ, უხვად ავსებ დოვლათით; ნაკადი ღვთისა სავსეა წყლით, რომ მისცე ადამიანებს პური, რადგან ასე დაადგინე.

¹⁰მის კვლებს არწყულებ და ბელტებს ასწორებ, ჟუჟუნა წვიმით ალბობ, აკურთხებ მის აღმონაცენს.

¹¹შენი სიკეთით აგვირგვინებ წელიწადს, შენი ნაკვალევიდან წვეთავს პოხიერება.

¹²ნახირით არის სავსე საძოვრები და მაღლობები ლხინით იმოსებიან.

¹³ცხვრებით ივსება საძოვრები და მარცვლეულით იფარება დაბლობები; ყიჟინებენ და მღერიან სიხარულით.