Read Traducción Kadosh Israelita Mesiánica ფსალმუნები 7 Bible Online

ფსალმუნები 7 - Traducción Kadosh Israelita Mesiánica bible

ფსალმუნები 7

¹უფალო, ღმერთო ჩემო! შენზე ვარ მონდობილი. დამიხსენი ყველა მდევნელისგან და გადამარჩინე

²თორემ ლომივით დაგლეჯენ ჩემს სულს, დამფლითავენ და არ იქნება მხსნელი.

³უფალო, ღმერთო ჩემო! თუ რამ ჩავიდინე, თუ უმართლობა აღსრულდა ჩემი ხელით,

⁴თუ ჩემთვის მშვიდობის მსურველს ბოროტებით გადავუხადე ან თუ გამეძარცვოს ის, ვინც უმიზეზოდ მმტრობს,

⁵მაშინ დევნოს მტერმა ჩემი სული, წამოეწიოს, ძირს დაანარცხოს ჩემი სიცოცხლე და მტვრად აქციოს ღირსება ჩემი.

⁶აღსდექ უფალო შენი რისხვით, წამოიმართე და წალეკე ჩემი მტრები, აღსდექ სასამართლოზე, რომელიც შენ დამიდგინე.

⁷გარს შემოგეხვევა ხალხთა კრებული, მათ ზემოთ ამაღლდები მწვერვალზე.

⁸უფალი განსჯის ერებს. განმიკითხე, უფალო, ჩემი სიმართლით და უბიწოებით, რომელიც ჩემშია.

⁹შეწყდეს უმართლოთა ბოროტება, მართალი კი განამტკიცე, რადგან შენ სცდი გულებსა და ზრახვებს, მართალო ღმერთო!

¹⁰ღმერთია ჩემი ფარი, ის იხსნის გულმართლებს.

¹¹ღმერთი მართალი მსაჯულია, ღმერთი, რომელიც ყოველდღე აფრქვევს რისხვას.

¹²თუ კაცი არ მოექცევა - მახვილს გალესავს, მშვილდს მოზიდავს და დაუმიზნებს.

¹³სასიკვდილო იარაღი გაამზადა მისთვის, ცეცხლოვან ისრებს ამზადებს.

¹⁴აჰა, ბოროტება ჩაესახა, სიმრუდით დაორსულდა და სიცრუეს შობს.

¹⁵ორმოს თხრიდა და ღრმა ამოკვეთა, სხვისთვის გაამზადა ორმო და თვითონ ჩავარდა.

¹⁶მისივე თავზე დატრიალდა მისი ავგულობა და თავისივე ბოროტმოქმედება დაატყდა თხემზე.

¹⁷განვადიდებ უფალს მისი სიმართლისამებრ და ვუგალობებ უზენაესი უფლის სახელს.