Read Traducción Kadosh Israelita Mesiánica ფსალმუნები 74 Bible Online

ფსალმუნები 74 - Traducción Kadosh Israelita Mesiánica bible

ფსალმუნები 74

¹გმადლობთ შენ ღმერთო, მადლობას გწირავთ, რადგან ახლოა შენი სახელი; შენს საოცრებებს აუწყებენ ადამიანები.

²შენ თქვი: როცა დადგება დათქმული დრო, გავასამართლებ სამართლიანად.

³როცა ირყევა დედამიწა ყველა მისი მცხოვრებით, მე ვამაგრებ მის სვეტებს.

⁴ვუთხარი ამპარტავნებს: ნუ ამპარტავნობთ! და ბოროტეულთ - ნუ იმაღლებთ რქას.

⁵ნუ იმაღლებთ რქას და ქედმაღლურად ნუ ლაპარაკობთ.

⁶რადგან არც აღმოსავლეთიდან, არც დასავლეთიდან და არც უდაბნოდან არაა ამაღლება.

⁷არამედ ღმერთია მსაჯული: ერთს დაამდაბლებს და მეორეს აამაღლებს.

⁸რადგან უფლის ხელშია თასი და აქაფებული ღვინო სავსეა მწარე ნაზავით. ის ღვრის მისგან, და ბოროტნი ამაქვეყნისა შესვამენ მას და გამოცლიან.

⁹მე კი ვაუწყებ ამას სამარადჟამოდ, ვუმღერებ იაკობის ღმერთს.

¹⁰"მთლიანად მოვამტვრევ რქებს ბოროტეულთ, მართალთა რქა კი მომაღლდება”.