Read Traducción Kadosh Israelita Mesiánica ფსალმუნები 75 Bible Online

ფსალმუნები 75 - Traducción Kadosh Israelita Mesiánica bible

ფსალმუნები 75

¹ცნობილია ღმერთი იუდაში, დიდია მისი სახელი ისრაელში.

²შალემშია მისი კარავი, ხოლო მისი სავანე სიონშია.

³იქ დაამტვრია ცეცხლმოკიდებული ისრები, ფარ-ხმალი და საბრძოლო იარაღი.

⁴სინათლით კაშკაშებ; ნადავლით სავსე მთებზე დიდებული ხარ.

⁵ნადავლად იქცნენ გულმაგრები, ჩათვლიმეს, ჩაეძინათ, მეომრებს ხელებმა უმტყუნეს.

⁶ძილქუში დაატყდათ მხედრებსა და ცხენებს, შენი რისხვისგან, ღმერთო იაკობისა.

⁷შიშის მომგვრელი ხარ! წინ ვინ დაგიდგება განრისხების ჟამს?

⁸ციდან გვაუწყე სამართალი, შეშინდა დედამიწა და გაირინდა;

⁹როდესაც აღსდგა ღმერთი განსჯისთვის, ქვეყნიერების ყველა ჩაგრულის დასახსნელად.

¹⁰რადგან კაცთა რისხვა ხოტბას შეგასხამს, რისხვის ნატამალს კი შემოისარტყლავ.

¹¹აღუთქვით და აღუსრულეთ აღთქმანი უფალს, თქვენ ღმერთს; მის ირგვლივ ყველამ ძღვენი მიართვას საშიშს.

¹²მთავართა სულს ის დაამდაბლებს, შიშის ზარს სცემს ამქვეყნიურ მეფეებს.