Read Traducción Kadosh Israelita Mesiánica ფსალმუნები 76 Bible Online

ფსალმუნები 76 - Traducción Kadosh Israelita Mesiánica bible

ფსალმუნები 76

¹ხმამაღლა შევღაღადებ ღმერთს, ხმამაღლა შევღაღადებ ღმერთს და ის მომისმენს.

²უფალს ვეძებ ჩემი გაჭირვების დღეს, გაწვდილია ჩემი ხელი ღამ-ღამობით და არ ისვენებს, უარს ამბობს ნუგეშისცემაზე ჩემი სული.

³ვიხსენებ ღმერთს და ვკვნესი, ვფიქრობ მასზე და უძლურდება ჩემი სული.

⁴თვალიც არ მომახუჭინე, შევძრწუნდი და ვეღარ ვლაპარაკობ.

⁵ვიგონებ ადრინდელ დღეებს, გარდასულ წლებს.

⁶ვიხსენებ ჩემს გალობას ღამღამობით, ვფიქრობ გულში და სული ჩემი ეძებს პასუხს:

⁷ნუთუ საუკუნოდ მიმატოვებს უფალი და აღარასოდეს მისურვებს?

⁸ნუთუ სამუდამოდ გაქრა მისი წყალობა და საუკუნოდ დასრულდა მისი აღთქმა?

⁹ნუთუ სამუდამოდ დაივიწყა ღმერთმა შებრალება? ნუთუ წყალობას დაგვიკავებს თავისი რისხვით?

¹⁰და ვთქვი: აი, ჩემი წუხილი - აღარ გვიდგება უზენაესის მარჯვენა დამცველად.

¹¹გავიხსენებ უფლის საქმეებს, გავიხსენებ შენს ადრინდელ სასწაულებს.

¹²ჩავუკვირდები ყველა შენს საქმეს, დავფიქრდები შენს ნამოქმედარზე.

¹³ღმერთო! წმიდაა შენი გზა. რომელი ღმერთია ჩვენი ღმერთივით დიადი?

¹⁴შენა ხარ ღმერთი, სასწაულმოქმედი; შენ გამოავლინე შენი ძლიერება ერებს შორის.

¹⁵საკუთარი მკლავით გამოისყიდე შენი ერი - ძენი იაკობისა და იოსებისა.

¹⁶გიხილეს წყლებმა ღმერთო, გიხილეს წყლებმა და შეშინდნენ, უფსკრულნიც კი შეიძრნენ.

¹⁷წყლები ჩამოღვარეს ღრუბლებმა, იქუხეს ცებმა, აქეთ-იქით დაქროდნენ შენი ისრები.

¹⁸შენი ხმა გრგვინავდა ცის თაღზე - ელვამ გაანათა სამყარო, შეძრწუნდა და შეირყა დედამიწა.

¹⁹ზღვაში გაიარა შენმა გზამ და ღრმა წყლებში - შენმა ბილიკმა და მაინც უცნობია შენი ნაკვალევი.

²⁰ფარასავით მიუძღვებოდი შენს ხალხს მოსესა და აჰარონის ხელით.