Read Traducción Kadosh Israelita Mesiánica ფსალმუნები 79 Bible Online

ფსალმუნები 79 - Traducción Kadosh Israelita Mesiánica bible

ფსალმუნები 79

¹მწყემსო ისრაელისა, ყური მომაპყარ; წინ რომ უძღოდი იოსებს, როგორც ცხვარს. ქერუბებზე ამხედრებულო, გაბრწყინდი.

²ეფრემის, ბენიამინისა და მენაშეს წინაშე გამოავლინე შენი სიძლიერე და მოდი ჩვენს გადასარჩენად.

³ღმერთო, დაგვაბრუნე, დაე გაბრწინდეს სახე შენი და გადავრჩებით.

⁴უფალო, ძალთა ღმერთო, როდემდე იქნები განრისხებული შენი ხალხის ლოცვაზე?

⁵ცრემლიანი პურით გამოკვებე ისინი და ცრემლებს ცრემლებზე ასმევ.

⁶შუღლის მიზეზად გვაქციე მეზობლებს შორის და ჩვენი მტრები აბუჩად გვიგდებენ.

⁷უფალო, ძალთა ღმერთო, დაგვაბრუნე, დაე გაბრწყინდეს სახე შენი და გადავრჩებით.

⁸ეგვიპტიდან გადმოიტანე ვაზი, განდევნე ერები და დარგე ის.

⁹მისთვის გაწმინდე ადგილი, გაადგმევინე ფესვები და აავსო ქვეყანა.

¹⁰მთები დაფარა მისმა ჩრდილმა და მისმა რტოებმა - მაღალი კედრები.

¹¹ზღვამდე გაიტანა ლერწები და მდინარემდე - თავისი ყლორტები.

¹²რატომ დაანგრიე მისი ზღუდენი და ჰკრეფს მას ყოველი გზადგამვლელი?

¹³ანადგურებს მას ტყიური ტახი და ველის ნადირები საზრდოობენ მისით.

¹⁴ცაბაოთ ღმერთო, მობრუნდი! გადმოგვხედე ზეციდან, იხილე და მოხედე ამ ვაზს.

¹⁵გაამაგრე ის, რაც დარგო შენმა მარჯვენამ, ყლორტი, შენთვის რომ განამტკიცე.

¹⁶ცეცხლით დაიწვა და გაიკაფა; შენი სახის რისხვით იღუპება ერი შენი.

¹⁷იყოს შენი ხელი, შენი მარჯვენის კაცზე, ადამის ძეზე, შენთვის რომ განამტკიცე;

¹⁸მაშინ ჩვენც აღარ განგიდგებით, გვაცოცხლე და შენს სახელს მოვუხმობთ.

¹⁹უფალო, ცაბაოთ ღმერთო, დაგვაბრუნე, დაე გაბრწყინდეს სახე შენი და გადავრჩებით.