Read Traducción Kadosh Israelita Mesiánica ფსალმუნები 8 Bible Online

ფსალმუნები 8 - Traducción Kadosh Israelita Mesiánica bible

ფსალმუნები 8

¹უფალო, ჩვენო მბრძანებელო! რაოდენ დიდებულია შენი სახელი მთელ ქვეყანაზე, ცებზე მაღალია დიდება შენი.

²ჩვილთა და ძუძუმწოვართა ბაგეებიდან აუწყე შენი სიძლიერე, რათა დაგედუმებინა შენი მტერი და შურისმგებელი.

³როცა შენს ზეცას ვუმზერ - შენი თითების ნამოქმედარს, მთვარესა და ვარსკვლავებს, რომლებიც დააფუძნე,

⁴რა არის კაცი, რომ გახსოვს იგი ან - ადამიანის ძე, რომ ზრუნავ მასზე?

⁵ბევრად არ დაგიმცირებია იგი *ანგელოზებზე, დიდება და ღირსება დაადგი გვირგვინად.

⁶გააბატონე იგი შენი ხელის ნამოქმედარზე; ყოველივე მის ფეხქვეშ მოაქციე.

⁷წვრილფეხა და მსხვილფეხა პირუტყვი, ასევე - ველის ნადირი;

⁸ცათა ფრინველი და ზღვის თევზი, წყლის ბილიკებით რომ მოძრაობენ.

⁹უფალო, ჩვენო მბრძანებელო! რაოდენ დიდებულია შენი სახელი მთელ ქვეყანაზე.