Read Traducción Kadosh Israelita Mesiánica ფსალმუნები 80 Bible Online

ფსალმუნები 80 - Traducción Kadosh Israelita Mesiánica bible

ფსალმუნები 80

¹უგალობეთ ღმერთს, სიმაგრეს ჩვენსას, სიხარულით შეჰყიჟინეთ იაკობის ღმერთს.

²შემოსძახეთ სიმღერა და დაუკარით დაირა. ტკბილხმოვანი ქნარი ებანთან ერთად.

³ახალმთვარობისას ბუკს ჩაბერეთ, სავსე მთვარისას - ჩვენი დღესასწაულის დღეს.

⁴რადგან ეს არის ისრაელის წესი, იაკობის ღმერთის დადგენილება.

⁵მოწმობად დაუდგინა იოსებს, როცა გამოვიდა ეგვიპტის ქვეყნიდან; მოვისმინე ენა, რომელიც არ ვიცოდი.

⁶ტვირთი მოვხსენი მის მხრებს, განთავისუფლდნენ გოდრისგან მისი ხელები.

⁷გაჭირვებაში მომიხმე და გადაგარჩინე, ელვის საფარიდან გიპასუხე, მერიბას წყლებთან გამოგცადე.

⁸ისმინე ჩემო ხალხო და შენ წინააღმდეგ დავამოწმებ ისრაელო, თუ მომისმენ.

⁹არ იყოს შენში სხვა ღმერთი, თაყვანი არ სცე უცხო ღმერთს.

¹⁰მე, ვარ უფალი, შენი ღმერთი, შენი გამომყვანი ეგვიპტის ქვეყნიდან; პირი გააღე და მე აგივსებ მას.

¹¹არ ისმინა ჩემმა ხალხმა ჩემი ხმა და არ დამემორჩილა ისრაელი.

¹²მეც მივუშვი ისინი, რომ ევლოთ თავიანთი გულის სიჯიუტით; იარონ თავიანთ ნებაზე.

¹³ნეტავ ჩემთვის მოესმინა ჩემს ხალხს და ჩემს გზაზე ევლო ისრაელს,

¹⁴მალე მოვდრეკდი მათ მტრებს და მათ მჩაგვრელებზე ხელს აღვმართავდი.

¹⁵ფეხქვეშ გაეგებოდნენ უფლის მოძულენი და ჟამი მათი სამარადისოდ გაგრძელდებოდა.

¹⁶ნოყიერი ხორბლით გამოვკვებავდი მათ და კლდის თაფლით გავაძღებდი.