Read Traducción Kadosh Israelita Mesiánica ფსალმუნები 82 Bible Online

ფსალმუნები 82 - Traducción Kadosh Israelita Mesiánica bible

ფსალმუნები 82

¹ღმერთო, ნუ დადუმდები; ჩუმად ნუ იქნები და ნუ დამშვიდდები, ღმერთო!

²რადგან აგერ, ახმაურდნენ შენი მტრები და შენმა მოძულენმა თავი წამოყვეს.

³შენი ხალხის წინააღმდეგ საიდუმლოდ მზაკვრობენ და შენი საუნჯის წინააღმდეგ შეთქმულებას აწყობენ.

⁴თქვეს: "მოდით, ამოვძირკვოთ ისინი ხალხთაგან და აღარ იხსენებოდეს სახელი ისრაელისა”.

⁵ერთსულოვნად მოითათბირეს, შენს წინააღმდეგ შეკრეს პირობა;

⁶ედომელთა ბანაკებმა და ისმაელიანებმა, მოაბმა და აგრელებმა;

⁷გებალმა, ყამონმა და ყამალეკმა, ფილისტიმელებმა ტვიროსელებთან ერთად.

⁸აშურიც მათ შეუერთდა და ძალა შეჰმატეს ლოტის ძეთ.

⁹ისე მოექეცი მათ, როგორც მიდიანს, როგორც სისერას, როგორც იაბინს კიშონის ხევში;

¹⁰ყენდორში რომ განადგურდნენ, ნაკელად რომ იქცნენ მიწისთვის.

¹¹ისე მოექეცი მათ დიდებულებს, როგორც ყორებს და როგორც ზეებს და როგორც ზევბახს, როგორც ცალმუნაყს და ყველა მათ მთავარს.

¹²რომელნიც ამბობდნენ, ჩვენთვის დავიმკვიდროთო უფლის საძოვრები.

¹³ღმერთო ჩემო, ჰყავ ისინი ვითარცა მტვერი ქარბორბალაში, ვითარცა ნამჯა ქარში.

¹⁴როგორც ცეცხლი წვავს ტყეს და ალი ბუგავს მთებს,

¹⁵ისე დაედევნე მათ შენი ქარიშხლით და შენი გრიგალით შეაძრწუნე.

¹⁶სირცხვილით დაუფარე სახეები, რათა ეძიონ შენი სახელი, უფალო.

¹⁷შერცხვნენ და შეძრწუნდნენ სამუდამოდ, სირცხვილში დაიღუპონ.

¹⁸რათა შეიცნონ, რომ უფალია შენი სახელი და მხოლოდ შენა ხარ უზენაესი მთელ ქვეყანაზე.