Read Traducción Kadosh Israelita Mesiánica ფსალმუნები 83 Bible Online

ფსალმუნები 83 - Traducción Kadosh Israelita Mesiánica bible

ფსალმუნები 83

¹რაოდენ სასურველია შენი სადგომები, ცაბაოთ უფალო!

²ნატრობს და ელტვის სული ჩემი უფლის ეზოებს, ჩემი გული და ჩემი სხეული ცოცხალ ღმერთს უმღერიან.

³ჩიტიც კი პოულობს ბინას და მერცხალი - ბუდეს, რომ შენს სამსხვერპლოებთან ჩასხას თვისი ბარტყები, უფალო ცაბაოთ, მეფევ ჩემო და ღმერთო ჩემო!

⁴კურთხეულ არიან შენს სახლში მკვიდრნი, განუწყვეტლივ გაქებენ ისინი.

⁵კურთხეულ არიან კაცნი, რომელთა ძლიერებაც შენშია, რომელთა გულშიც სიონისკენ მიმავალი გზაა.

⁶ხრიოკ ველზე გავლისას წყაროს აღმოაჩენენ და კურთხევით დაფარავს მათ შემოდგომის წვიმა.

⁷ძალიდან ძლიერებისკენ ივლიან, ღმერთის წინაშე გამოცხადდებიან სიონში.

⁸უფალო, ცაბაოთ ღმერთო, ისმინე ჩემი ლოცვა, ყური მომაპყარ, იაკობის ღმერთო.

⁹დაინახე, ჩვენო ფარო, ღმერთო და სახეში შეხედე შენს ცხებულს.

¹⁰რადგან ერთი დღე შენს ეზოებში სჯობს სხვაგან ათასს. ჩემი ღმერთის სახლის ზღურბლთან დგომას ვარჩევ, ბოროტების კარავში ბინადრობას.

¹¹რადგან მზე და ფარია უფალი ღმერთი. მადლსა და ღირსებას იძლევა იგი, არანაირ სიკეთეს არ დაუკავებს უბიწოდ მოარულთ.

¹²ცაბაოთ უფალო! კურთხეულია კაცი შენზე მონდობილი.