Read Traducción Kadosh Israelita Mesiánica ფსალმუნები 84 Bible Online

ფსალმუნები 84 - Traducción Kadosh Israelita Mesiánica bible

ფსალმუნები 84

¹უფალო, მოწყალე იყავი შენი ქვეყნის მიმართ, შენ აღადგინე კეთილდღეობა იაკობისა.

²შენ აპატიე შენს ხალხს დანაშაული, დაფარე ყველა მათი ცოდვა.

³შენ აგვარიდე შენი გულისწყრომა, დააცხრე შენი მრისხანება.

⁴აგვაღორძინე ღმერთო, ჩვენო მხსნელო და ნუღარ გაგვირისხდები.

⁵ნუთუ სამუდამოდ გაგვირისხდები, თაობიდან თაობამდე გააგრძელებ შენს რისხვას ჩვენზე?

⁶ნუთუ აღარ დაგვიბრუნებ სიცოცხლეს, რათა შენში გაიხაროს შენმა ხალხმა?

⁷გვიჩვენე უფალო, შენი სიკეთე და შენმიერი ხსნა გვიწყალობე.

⁸მე კი მოვისმენ თუ რას იტყვის უფალი ღმერთი; რადგან მშვიდობას იტყვის თავის ხალხზე, თავის წმიდანებზე და აღარ მიუბრუნდებიან სიბრიყვეს ღვთისმოსავნი.

⁹მართლაც ახლოა მისმიერი ხსნა მის მოშიშთათვის, რათა დიდებამ დაისადგუროს ჩვენს ქვეყანაში.

¹⁰წყალობა და ჭეშმარიტება შეხვდებიან ერთმანეთს, სიმართლე და მშვიდობა გადაჰკოცნიან ერთიმეორეს.

¹¹ჭეშმარიტება აღმოცენდება დედამიწიდან, სიმართლე კი ზეციდან გადმოიხედავს.

¹²დიახ, სიკეთეს გვიბოძებს უფალი და ჩვენი მიწა თავის მოსავალს გამოიღებს.

¹³სიმართლე ივლის მის წინ და გზას გაუკაფავს მის ნაბიჯებს.