Read Traducción Kadosh Israelita Mesiánica ფსალმუნები 89 Bible Online

ფსალმუნები 89 - Traducción Kadosh Israelita Mesiánica bible

ფსალმუნები 89

¹უფალო! შენა ხარ ჩვენი თავშესაფარი თაობიდან თაობამდე.

²ვიდრე მთები დაიბადებოდნენ და შექმნიდი დედამიწასა და სამყაროს, უსასრულობიდან უსასრულობამდე შენა ხარ ღმერთი.

³კვლავ მტვრად აქცევ ადამიანს და ეტყვი: დაბრუნდით, ადამის ძენო!

⁴რადგან ათასი წელი შენს თვალში, გუშინდელი, განვლილი დღესავით არის, როგორც ერთი საგუშაგო ღამისა.

⁵ღვართქაფივით გააქანებ მათ, სიზმარივით ჩაივლიან, ბალახივით, რომელიც ფერს იცვლის ყოველ დილით:

⁶დილას ჰყვავის და ფერს იცვლის, საღამოს ჭკნება და ხმება.

⁷რადგან დავილიეთ შენი რისხვით და შენი გულისწყრომით შევძრწუნდით.

⁸თვალწინ გაქვს დადებული ჩვენი დანაშაულებანი და ჩვენი საიდუმლო ცოდვანი - შენი სახის სინათლეზე.

⁹რადგან ყველა ჩვენი დღე გაილია შენი რისხვით, ისე მიდის ჩვენი წლები, როგორც ერთი ამოსუნთქვა.

¹⁰ჩვენი დღეების რიცხვი სამოცდაათი წელიწადია, ხოლო ჯანმაგრობის დროს - ოთხმოცი წელიწადი; ამათგან კი უმეტესი ჯაფა და წუხილია, რადგან სწრაფად გადის და ჩვენც მივფრინავთ.

¹¹ვინ შეიცნო შენი რისხვის ძალა? შენი მრისხანება ისეთივე დიდია, როგორც შენდამი მოშიშება.

¹²გვასწავლე ჩვენი დღეების დათვლა, რომ გულს სიბრძნე შევძინოთ.

¹³მობრუნდი უფალო! როდემდე გაგრძელდება ასე? შეიბრალე შენი მსახურები.

¹⁴შენი წყალობით გაგვაძღე გარიჟრაჟზე, რათა სიხარულით ვიგალობოთ და ვიმხიარულოთ მთელი ჩვენი დღენი.

¹⁵გაგვამხიარულე იმ დღეთა წილ, რომ დაგვტანჯე, იმ წელთა წილ, სიავე რომ ვნახეთ.

¹⁶იხილონ შენმა მსახურებმა საქმენი შენი და შენი ბრწყინვალება - მათმა შვილებმა.

¹⁷დაე, იყოს უფლის კეთილგანწყობა ჩვენზე, საქმე ჩვენი ხელისა განგვიმტკიცე, დიახ, საქმე ჩვენი ხელისა განგვიმტკიცე.