Read Traducción Kadosh Israelita Mesiánica ფსალმუნები 90 Bible Online

ფსალმუნები 90 - Traducción Kadosh Israelita Mesiánica bible

ფსალმუნები 90

¹უზენაესის საფარქვეშ დამკვიდრებული ყოვლისშემძლის ჩრდილქვეშ ისვენებს.

²ვეტყვი უფალს: ჩემი თავშესაფარი და სიმაგრე ხარ, ჩემი ღმერთი ხარ, შენ გენდობი.

³რადგან ის დაგიხსნის მონადირის ხაფანგიდან, მომაკვდინებელი ჭირისგან.

⁴თავის ბუმბულს გადაგაფარებს და მის ფრთებქვეშ პოვებ თავშესაფარს; ფარი და ბურჯი იქნება მისი ჭეშმარიტება შენთვის.

⁵არ შეგაშინებს ღამის საშინელება, ისარი დღისით გამოფრენილი.

⁶ბნელში მოარული შავი ჭირი და შუადღის მომსვრელი უბედურება.

⁷დაეცემა შენს გვერდით ათასი და ათი ათასი შენს მარჯვნივ, შენ კი არ მოგიახლოვდება.

⁸მხოლოდ შენი თვალებით შეხედავ და დაინახავ ბოროტეულთა საზღაურს.

⁹ვინაიდან, უფალი გაიხადე თავშესაფრად და შენს სამკვიდროდ აირჩიე უზენაესი,

¹⁰არ შეგემთხვევა სიავე და წყლული ვერ მიეკარება შენს კარავს.

¹¹რადგან თავის ანგელოზებს უბრძანებს დაგიცვან ყველა შენს გზაზე.

¹²ხელში აყვანილს გატარებენ, რომ ფეხი არ წამოჰკრა ქვას.

¹³ლომსა და ასპიტს ფეხს დაადგამ, ლომის ბოკვერსა და ურჩხულს გათელავ.

¹⁴რადგან შემიყვარა, მეც გადავარჩენ, დავიცავ, რადგან იცის ჩემი სახელი.

¹⁵მომიხმობს და მეც ვუპასუხებ, მასთან ვიქნები გასაჭირში; გამოვიხსნი და ვასახელებ.

¹⁶დღეთა ხანგრძლივობით გავაძღებ და გადარჩენას მოვუვლენ ჩემსას.