Read Traducción Kadosh Israelita Mesiánica ფსალმუნები 91 Bible Online

ფსალმუნები 91 - Traducción Kadosh Israelita Mesiánica bible

ფსალმუნები 91

¹კარგია ვმადლობდეთ უფალს და ქებას ვუმღეროდეთ შენს სახელს, უზენაესო!

²დილით შენს სიკეთეს ვაუწყებდეთ და ღამით - შენს ერთგულებას;

³ათსიმიანსა და ჩანგზე, ქნარზე გალობით.

⁴უფალო, შენ გამახარე შენი საქმეებით, სიხარულით ვუგალობებ შენს ხელთა საქმეებს.

⁵რაოდენ დიდია შენი საქმეები უფალო, ფრიად ღრმაა შენი ზრახვანი.

⁶უგუნური კაცი ვერ შეიცნობს და უმეცარი ვერ გაიგებს ამას,

⁷თუმცა ბალახივით აღმოცენდებიან ბოროტნი და აყვავდებიან უსამართლობის მოქმედნი, ისინი სამუდამოდ განადგურდებიან.

⁸შენ კი უფალო, ამაღლებული ხარ, სამარადისოდ!

⁹ვინაიდან, აჰა, შენი მტრები უფალო, რადგან, აგერ, დაიღუპებიან ისინი, განიბნევა ყველა - სიმრუდის მქმნელი.

¹⁰მაგრამ შენ ამიმაღლებ რქას, ხარის რქასავით, ხასხასა ზეთით ვარ ცხებული.

¹¹ჩემი თვალი იხილავს ჩემი მტრების დაცემას, ჩემს წინააღმდეგ აღმდგარი ბოროტმოქმედების დამარცხებას გაიგონებს ჩემი ყური.

¹²მართალი კი ფინიკივით გაიფურჩქნება, ლიბანის კედარივით წამოიმართება.

¹³უფლის სახლში დარგულნი, ჩვენი ღმერთის ეზოებში აყვავდებიან;

¹⁴სიბერეშიც გამოიღებენ წვნიანსა და ხასხასა ნაყოფს.

¹⁵რათა გაცხადდეს, რომ მართალია უფალი - კლდე ჩემი; და არ არის მასში უსამართლობა.