Read Traducción Kadosh Israelita Mesiánica ფსალმუნები 95 Bible Online

ფსალმუნები 95 - Traducción Kadosh Israelita Mesiánica bible

ფსალმუნები 95

¹უმღერეთ უფალს ახალი სიმღერა, უმღერე უფალს, მთელო ქვეყნიერებავ!

²უმღერეთ უფალს, აკურთხეთ მისი სახელი, დღითიდღე ახარეთ ხსნა მისმიერი.

³აუწყეთ ერებს მისი სიდიადე, ყოველ ხალხს მისი სასწაულები.

⁴რადგან დიადია უფალი და დიდად საქებარი, ყველა ღმერთზე საშიშია იგი.

⁵რადგან ხალხთა ყველა ღმერთი კერპებია, უფალმა კი ცანი შექმნა.

⁶სიდიადე და ბრწყინვალებაა მის წინაშე, ძალა და მშვენიერებაა - მის საწმიდარში.

⁷უძღვენით უფალს, ხალხთა ტომებო, უძღვენით უფალს - დიდება და ძალა.

⁸უძღვენით უფალს დიდება მისი სახელისა. წაუღეთ ძღვენი და მიდით მის ეზოებში.

⁹თაყვანი ეცით უფალს წმიდა მოწიწებით; თრთოდე მის წინაშე, მთელო ქვეყნიერებავ!

¹⁰უთხარით ერებს: უფალი მეფობს! დიახ, მტკიცედ არის დაფუძნებული სამყარო, არ შეირყევა. ის განიკითხავს ხალხებს თანაბრად.

¹¹გაიხაროს ზეცამ და იმხიარულოს დედამიწამ. იხმაუროს ზღვამ და სავსებამ მისმა.

¹²გაიხაროს ტრამალმა და ყველაფერმა, რაც მასზეა. მაშინ იზეიმებს ტყის ყოველი ხე

¹³უფლის წინაშე, რადგან ქვეყნიერების განსასჯელად მოდის იგი; სიმართლით განსჯის ქვეყნიერებას და ხალხებს - თავისი ჭეშმარიტებით.