Read Traducción Kadosh Israelita Mesiánica ფსალმუნები 96 Bible Online

ფსალმუნები 96 - Traducción Kadosh Israelita Mesiánica bible

ფსალმუნები 96

¹უფალი მეფობს. ილხინოს ქვეყნიერებამ, გაიხაროს მრავალმა კუნძულმა!

²ღრუბელით და ნისლით არის გარემოცული უფალი; სიმართლესა და სამართალზეა დაფუძნებული მისი ტახტი.

³მის წინ დადის ცეცხლი და სწვავს მის მტრებს ყოველი მხრიდან.

⁴მისი ელვანი სამყაროს ანათებენ, ხედავს დედამიწა და თრთის.

⁵ცვილივით დადნა მთები უფლის წინაშე, მთელი ქვეყნიერების უფლის წინაშე.

⁶ცანი ღაღადებენ მის სიმართლეს და ყველა ხალხი ხედავს მის დიდებას.

⁷შერცხვეს ყველა, ვინც ქანდაკებას ემსახურება და კერპებით ტრაბახობს; მდაბლად ეცით მას თაყვანი, ყოველნო ღმერთნო.

⁸ესმა სიონს და გაიხარა. ხარობდნენ იუდას ასულები, შენ სამართალთა გამო, უფალო!

⁹რადგან, შენ უფალო, უზენაესი ხარ მთელ ქვეყნიერებაზე, ფრიად აღზევებული ყველა ღმერთზე.

¹⁰შეიძულეთ ბოროტება, უფლის მოყვარულნო; ის იცავს მის წმიდათა სიცოცხლეს, ბოროტთა ხელიდან იხსნის მათ.

¹¹სიმართლემ გამოანათა მართალთათვის და გულით წრფელთათვის - მხიარულებამ.

¹²იხარეთ მართალნო უფლით და მადლობა შესწირეთ მის წმიდა სახელს.