Read Traducción Kadosh Israelita Mesiánica ფსალმუნები 98 Bible Online

ფსალმუნები 98 - Traducción Kadosh Israelita Mesiánica bible

ფსალმუნები 98

¹უფალი მეფობს - ათრთოლდნენ ხალხები! ქერუბებზეა ამხედრებული - შეიძრას დედამიწა.

²დიდია უფალი სიონში და ამაღლებულია ყველა ხალხზე.

³აქონ შენი დიადი და საშიში სახელი, რადგან წმიდაა იგი.

⁴ძლევამოსილია მეფე და უყვარს სამართალი; შენ დაამკვიდრე მიუკერძოებლობა; სამართალი, სიმართლე აღასრულე იაკობში.

⁵აღამაღლეთ უფალი, ღმერთი ჩვენი და თაყვანი ეცით მის ფერხთა საყრდენს - წმიდაა იგი.

⁶მის მღვდლებს შორის იყვნენ მოსე და აჰარონი, სამუელი მათ შორის იყო, ვინც მის სახელს მოუხმობდა. ისინი მოუხმობდნენ უფალს და ის პასუხობდა მათ.

⁷ღრუბლის სვეტიდან ელაპარაკებოდა მათ; დაიცვეს მათ მისი მოწმობანი და დადგენილებანი - მათთვის მიცემული.

⁸უფალო, ღმერთო ჩვენო! შენ პასუხობდი მათ; მიმტევებელი ღმერთი იყავი მათთვის, მაგრამ შურისმგებელიც მათ დანაშაულთა გამო.

⁹აღამაღლეთ უფალი, ღმერთი ჩვენი და თაყვანი ეცით მის წმიდა მთაზე, რადგან წმიდაა უფალი, ღმერთი ჩვენი.