Read Traducción Kadosh Israelita Mesiánica იგავნი სოლომონისა 2 Bible Online

იგავნი სოლომონისა 2 - Traducción Kadosh Israelita Mesiánica bible

იგავნი სოლომონისა 2

¹შვილო, თუ ჩემს სიტყვებს მიიღებ და ჩემს მცნებებს გულში დაიუნჯებ,

²სიბრძნეს ყურს მიაპყრობ და გონიერებისკენ მიმართავ გულს,

³თუ საზრიანობას მოუხმობ და გონიერებისთვის აიმაღლებ ხმას,

⁴თუ ვერცხლივით მოიძიებ მას და დაფარული განძივით დაუწყებ ძებნას,

⁵მაშინ ჩაწვდები უფლის მოშიშებას და ღვთის შემეცნებას მოიპოვებ.

⁶რადგან უფალი იძლევა სიბრძნეს, მისი ბაგიდან გამოდის ცოდნა და გონიერება.

⁷სიბრძნეს უნახავს მართლებს, ფარია იგი უბიწოდ მოარულთათვის,

⁸რადგან თვალყურს ადევნებს სამართლის ბილიკებს და იცავს ღვთისმოსავთა გზას.

⁹მაშინ მიხვდები - რა არის სიმართლე, სამართალი და სამართლიანობა - ყველა ბილიკი სიკეთისა;

¹⁰როდესაც სიბრძნე შევა შენს გულში და ცოდნა ეამება შენს სულს,

¹¹გამჭრიახობა დაგიცავს და გონიერება შეგინახავს,

¹²რომ გიხსნას ბოროტების გზიდან, უკუღმართად მოლაპარაკე კაცისგან,

¹³სწორი ბილიკების მიმტოვებელთაგან, სიბნელის გზებით რომ დადიან,

¹⁴ბოროტების კეთებით ხარობენ და ბოროტეულთა უკუღმართობა სიამოვნებთ,

¹⁵რომელთა გზებიც მრუდეა და ბილიკები - უკუღმართი,

¹⁶რათა გიხსნას უცხო ქალისგან, უცხოტომელისგან, რომლის ნათქვამიც ლაქარდიანია,

¹⁷რომელმაც მიატოვა სიყრმის მეგობარი და თავისი ღმერთის აღთქმა დაივიწყა.

¹⁸მისი სახლი სიკვდილში იძირება და მისი ბილიკები მკვდრებისკენ მიემართება.

¹⁹უკან არავინ ბრუნდება მასთან შემსვლელთაგან და ვეღარ დგება სიცოცხლის ბილიკებზე.

²⁰შენ კი კეთილთა გზით იარე და მართალთა ბილიკებზე იფხიზლე,

²¹ვინაიდან, წრფელნი დამკვიდრდებიან ქვეყანაზე და უმწიკვლონი დარჩებიან მასში,

²²ბოროტნი კი მოიკვეთებიან ქვეყნიდან და მოღალატენი აღმოიფხვრებიან.