Read Traducción Kadosh Israelita Mesiánica იონა 2 Bible Online

იონა 2 - Traducción Kadosh Israelita Mesiánica bible

იონა 2

¹და შეჰღაღადა იონამ უფალს, თავის ღმერთს, თევზის მუცლიდან.

²ამბობდა: "გასაჭირში მოვუხმე უფალს და მან მიპასუხა! შემოგღაღადე შავეთის წიაღიდან და შენ ისმინე ჩემი ხმა!

³როცა უფსკრულში გადამაგდე, შუაგულ ზღვაში, მორევმა მომიქცია, ყველა შენმა ზვირთმა და ტალღამ გადამიარა!

⁴ვთქვი: განდევნილი ვარ შენს თვალთაგან, ნეტავ ვიხილავ კვლავ შენს წმიდა ტაძარს?!

⁵წყალი ყელამდე მომწვდა და უფსკრულმა მომიცვა, თავზე ლელი შემომეწნა.

⁶მთათა საძირკვლებამდე ჩავედი და ჩემს უკან მიწა სამუდამოდ დაიხშო, მაგრამ საფლავს გამოსტაცე ჩემი სიცოცხლე უფალო, ღმერთო ჩემო,

⁷როცა სულს ვღაფავდი, უფალი გავიხსენე და ჩემმა ლოცვამ შენამდე მოაღწია, შენს წმიდა ტაძარში.

⁸ამაო კერპთა მსახურნი ვერ ეღირსებიან წყალობას.

⁹მე კი მსხვერპლს შემოგწირავ სამადლობელი სიტყვებით; რაც აღმითქვამს, შევასრულებ რადგან ხსნა უფლისგანაა!”

¹⁰მაშინ უბრძანა თევზს უფალმა და მანაც ხმელეთზე ამოანთხია იონა.