Read Traducción Kadosh Israelita Mesiánica რიცხვნი 33 Bible Online

რიცხვნი 33 - Traducción Kadosh Israelita Mesiánica bible

რიცხვნი 33

¹ასეთია ისრაელის ძეთა მოგზაურობა, რომლებიც ეგვიპტის ქვეყნიდან თავისი ლაშქრებით მოსესა და აჰარონის წინამძღოლობით გამოვიდნენ.

²ჩაიწერა მოსემ მათი გამოსვლისა და დაბანაკების ადგილები, უფლის ბრძანებისამებრ; ასეთია მათი სვლა დაბანაკების ადგილების მიხედვით:

³დაიძრნენ რაყმესესიდან პირველ თვეში, პირველი თვის მეთხუთმეტე დღეს; პასექის მეორე დღეს, შემართული ხელით გამოვიდნენ ისრაელიანები, მთელი ეგვიპტის წინაშე.

⁴ეგვიპტელნი კი უფლის მიერ მათში განგმირულ ყოველ პირმშოს მარხავდნენ. და აღასრულა უფალმა სამართალი მათ ღმერთებზე.

⁵დაიძრნენ ისრაელიანები რაყმესესიდან და სუქოთში დაბანაკდნენ.

⁶დაიძრნენ სუქოთიდან და დაბანაკდნენ ეთამში, რომელიც უდაბნოს ემიჯნება.

⁷დაიძრნენ ეთამიდან და ფი-ჰახიროთში, ბაყალ-ცეფონის პირდაპირ, მიგდოლის წინ დაბანაკდნენ.

⁸დაიძრნენ ფიჰახიროთიდან და უდაბნოსავით გადაიარეს შუა ზღვა; სამი დღე იარეს ეთამის უდაბნოში და დაბანაკდნენ მარაში.

⁹დაიძრნენ მარადან და მივიდნენ ელიმში, სადაც თორმეტი წყარო და ფინიკის სამოცდაათი ხეა და იქ დაბანაკდნენ.

¹⁰დაიძრნენ ელიმიდან და დაბანაკდნენ წითელ ზღვასთან.

¹¹დაიძრნენ წითელი ზღვიდან და დაბანაკდნენ სინის უდაბნოში.

¹²დაიძრნენ სინის უდაბნოდან და დაბანაკდნენ დოფკაში.

¹³დაიძრნენ დოფკადან და დაბანაკდნენ ალუშში.

¹⁴დაიძრნენ ალუშიდან და დაბანაკდნენ რეფიდიმში, სადაც სასმელი წყალი არ იყო ხალხისთვის.

¹⁵დაიძრნენ რეფიდიმიდან და დაბანაკდნენ სინაის უდაბნოში.

¹⁶დაიძრნენ სინაის უდაბნოდან და დაბანაკდნენ კიბროთ-ჰათაავაში.

¹⁷დაიძრნენ კიბროთ-ჰათაავადან და დაბანაკდნენ ხაცეროთში.

¹⁸დაიძრნენ ხაცეროთიდან და დაბანაკდნენ რითმაში.

¹⁹დაიძრნენ რითმადან და დაბანაკდნენ რიმონ-ფერეცში.

²⁰დაიძრნენ რიმონ-ფერეციდან და დაბანაკდნენ ლიბნაში.

²¹დაიძრნენ ლიბნადან და დაბანაკდნენ რისაში.

²²დაიძრნენ რისადან და დაბანაკდნენ კეჰელათაში.

²³დაიძრნენ კეჰელათადან და დაბანაკდნენ შეფერში.

²⁴დაიძრნენ შეფერიდან და დაბანაკდნენ ხარადაში.

²⁵დაიძრნენ ხარადადან და დაბანაკდნენ მაკჰელოთში.

²⁶დაიძრნენ მაკჰელოთიდან და დაბანაკდნენ თახათში.

²⁷დაიძრნენ თახათიდან და დაბანაკდნენ თარახში.

²⁸დაიძრნენ თარახიდან და დაბანაკდნენ მითკაში.

²⁹დაიძრნენ მითკადან და დაბანაკდნენ ხაშმონაში.

³⁰დაიძრნენ ხაშმონადან და დაბანაკდნენ მოსეროთში.

³¹დაიძრნენ მოსეროთიდან და დაბანაკდნენ ბენე-იაყაკანში.

³²დაიძრნენ ბენე-იაყაკანიდან და დაბანაკდნენ ჰორ-ჰაგიდგადში.

³³დაიძრნენ ჰორ-ჰაგიდგადიდან და დაბანაკდნენ იოტბათაში.

³⁴დაიძრნენ იოტბათადან და დაბანაკდნენ ყაბრონაში.

³⁵დაიძრნენ ყაბრონადან და დაბანაკდნენ ყეციონ-გებერში.

³⁶დაიძრნენ ყეციონ-გებერიდან და დაბანაკდნენ კადეშის უდაბნოში.

³⁷დაიძრნენ კადეშიდან და დაბანაკდნენ ჰორის მთაზე, ედომის ქვეყნის საზღვარზე.

³⁸ავიდა აჰარონ მღვდელი ჰორის მთაზე უფლის ბრძანებით და მოკვდა იქ ეგვიპტიდან ისრაელიანთა გამოსვლის მეორმოცე წელს, მეხუთე თვეს, თვის პირველ დღეს.

³⁹ასოცდასამი წლის იყო აჰარონი, როცა გარდაიცვალა ჰორის მთაზე.

⁴⁰და ისმინა ყარადის მეფემ, ქანაანელმა, რომელიც ნეგებში ცხოვრობდა, ქანაანის ქვეყანაში, ისრაელის ძეთა მოსვლის შესახებ.

⁴¹დაიძრნენ ჰორის მთიდან და დაბანაკდნენ ცალმონაში.

⁴²დაიძრნენ ცალმონადან და დაბანაკდნენ ფუნონში.

⁴³დაიძრნენ ფუნონიდან და დაბანაკდნენ ობოთში.

⁴⁴დაიძრნენ ობოთიდან და დაბანაკდნენ ყიე-ყაბარიმში, მოაბის საზღვარზე.

⁴⁵დაიძრნენ ყიიმიდან და დაბანაკდნენ დიბონ-გადში.

⁴⁶დაიძრნენ დიბონ-გადიდან და დაბანაკდნენ ალმონ-დიბლათაიმში.

⁴⁷დაიძრნენ ალმონ-დიბლათაიმიდან და დაბანაკდნენ ყაბარიმის მთებში ნებოს წინ.

⁴⁸დაიძრნენ ყაბარიმის მთებიდან და იორდანესთან, მოაბის ველზე დაბანაკდნენ, იერიხოს პირდაპირ.

⁴⁹და დაბანაკდნენ იორდანესთან, ბეთ-იეშიმოთიდან აბელშიტიმამდე მოაბის ველზე.

⁵⁰უთხრა უფალმა მოსეს მოაბის ველზე იორდანესთან, იერიხოს პირდაპირ:

⁵¹"განუცხადე ისრაელის ძეთ და უთხარი: როდესაც გადახვალთ იორდანეზე ქანაანის ქვეყნისკენ,

⁵²განდევნეთ იმ ქვეყნის ყველა მკვიდრი და მოსპეთ მათი კერპების ყველა გამოსახულება და მოსპეთ ყველა ჩამოსხმული კერპი და ააოხრეთ ყოველი მათი მაღლობი.

⁵³დაეუფლეთ ქვეყანას და იცხოვრეთ მასში, ვინაიდან თქვენ მოგეცით ის ქვეყანა სამკვიდრებლად.

⁵⁴დაიმკვიდრეთ ქვეყანა წილის ყრით, საგვარეულოთა მიხედვით. მრავალრიცხოვანთ მეტი სამკვიდრებელი მიეცით და მცირერიცხოვანთ ნაკლები; ვისაც სად შეახვედრებს წილის ყრა, იქ იყოს მისი სამკვიდრო; თქვენი მამების ტომთა მიხედვით დაიმკვიდრეთ.

⁵⁵მაგრამ თუ არ განდევნით იმ ქვეყნის მცხოვრებლებს თქვენგან, მაშინ ვისაც დატოვებთ, ეკლად გექცევიან თვალებში და ნემსებად გვერდებში და შეგავიწროვებენ იმ ქვეყანაში, რომელშიც იცხოვრებთ.

⁵⁶და რისი გაკეთებაც მათთვის განვიზრახე, თქვენ გაგიკეთებთ”.