Read ადიშის ოთხთავი 897 წ. – ძველი მონუსკრიპტები მოციქულთა საქმეები 1 Bible Online

მოციქულთა საქმეები 1 - ადიშის ოთხთავი 897 წ. – ძველი მონუსკრიპტები bible

მოციქულთა საქმეები 1

¹პირველად ესე სიტყუაჲ ვყავ ყოვლისა მისთჳს, ჵ, ღმრთისმოყუარეო, რომელი-იგი იწყო იესუ საქმედ და სწავლად,

²ვიდრე დღედმდე ამაღლებისა მისისა ამცნებდა მოციქულთა სულითა წმიდითა, რომელნი-იგი გამოირჩინა, და აღმაღლდა,

³რომელთაცა-იგი წარუდგინა თავი თჳსი ცხოველი შემდგომად ვნებისა მისისა მრავლითა სახითა, ორმეოცთა დღეთა ეჩუენებოდა მათდა ეტყოდა სასუფეველისათჳს ღმრთისაჲსა,

⁴თანაექცეოდა მათ და ამცნებდა: "იერუსალჱმით ნუ განეშორებით, არამედ მოელოდეთ აღთქუმასა მას მამისასა, რომელი გესმა ჩემგან.

⁵რამეთუ იოვანე ნათელ-სცემდა წყლითა, ხოლო თქუენ ნათელ-იღოთ სულითა წმიდითა არა მრავალთა დღეთა ამათ შემდგომად".

⁶ხოლო რომელნი-იგი შეკრებულ იყვნეს, ჰკითხვიდეს მას და იტყოდეს: "უფალო, უკუეთუ ამათ ჟამთა კუალად მოაგო სასუფეველიისრაჱლსა?"

⁷ხოლო თავადმან ჰრქუა მათ: "არა თქუენი არს ცნობაჲ ჟამთაჲ გინა წელთაჲ, რომელი-იგი მამამან დადვა თჳსითა ჴელმწიფებითა;

⁸არამედ მოიღოთ ძალი მოსლვასა მას სულისა წმიდისასა თქუენ ზედა, და იყვნეთ თქუენ ჩემდა მოწამე იერუსალჱმს და ყოველსაჰურიასტანსა და სამარიასა და ვიდრე დასასრულადმდე ქუეყანისა".

⁹და ესე ვითარცა თქუა, ვიდრე ხედვიდესღა იგინი, აღმაღლდა და ღრუბელმან შეიწყნარა იგი თუალთაგან მათთა.

¹⁰და ვითარცა დგესღა და ჰხედვიდესღა იგინი ზეცად ამაღლებასა მისსა, აჰა, ესერა, ორ კაც ზედამოადგეს მათ სამოსლითა სპეტაკითა,

¹¹რომელთა ჰრქუეს მათ: "კაცნო გალილეველნო, რაჲსა სდგათ და ჰხედავთ ზეცად მიმართ? ესე იესუ, რომელი აღმაღლდა თქუენგანზეცად, ეგრევე მოვიდეს, ვითარცა იხილეთ აღმაღლებული ზეცად".

¹²მაშინ მოიქცეს იგინი იერუსალჱმდ მთისა მისგან, რომელსა ჰრქჳან ზეთისხილთაჲ, რომელ არს მახლობელ იერუსალჱმსა ვითარშაბათის გზა ოდენ.

¹³და ოდეს შევიდეს იგინი ქალაქად, აჴდეს იგინი ქორსა მას, სადაცა იყოფოდეს პეტრე და იოჰანე, იაკობ და ანდრეა, ფილიპე და თომა,ბართლომე და მათეოზ, იაკობ ალფჱსი და სჳმონ მოშურნჱ და იუდა იაკობისი.

¹⁴ესე ყოველნი იყვნეს განკრძალულ ერთბამად ლოცვასა დედებითურთ, და მარიამ, დედაჲ იესუჲსი, და ძმებითურთ მისით.

¹⁵და მათ დღეთა შინა აღდგა პეტრე შორის მოწაფეთა და თქუა (იყო ერი რიცხჳთ ერთბამად ვითარ ას და ოც ოდენ კაც):

¹⁶"კაცნო, ჯერ-იყო აღსრულებად წერილი ესე, რომელი წინაჲსწარ თქუა სულმან წმიდამან პირითა დავითისითა იუდაჲსთჳს, რომელი-იგი იქმნა წინამძღუარ შემპყრობელთა მათ იესუჲსთა,

¹⁷რამეთუ შერაცხილ იყო ჩუენ შორის, და ხუედრებულ იყო ნაწილი მსახურებისაჲ ამის და მოციქულებისაჲ;

¹⁸ამან მოიგო დაბაჲ იგი სასყიდელითა სიცრუვისაჲთა, და განსივნა და განსთქდა შორის და განიბნინეს ყოველნი ნაწლევნი მისნი;

¹⁹და საცნაურ იქმნა წინაშე ყოველთა დამკჳდრებულთა იერუსალჱმისათა, ვითარმედ ეწოდაცა დაბასა მას თჳსითა მით სიტყჳთამათითა აკალდამა, ესე იგი არს დაბაჲ სისხლისაჲ.

²⁰რამეთუ წერილ არს წიგნსა ფსალმუნთასა: "იყავნ საყოფელი მისი ოჴერ და ნუ იყოფინ მკჳდრი მას შინა; და განსაგებელი მისისხუამან მიიღენ".

²¹ჯერ-არს შეკრებულთა ამათ ჩუენ თანა კაცთაჲ ყოველსა ჟამსა, რომელთა შორის შემოვიდა და განვიდა ჩუენგან უფალი იესუ,

²²იწყო ნათლის-ცემითგან იოჰანესისა ვიდრე დღედმდე ამაღლებისა მისისა ჩუენგან, მოწამედ აღდგომისა მისისა ჩუენ თანა ყოფადერთი ამათგანი".

²³და დაადგინნეს ორნი: იოსებ, რომელსა ერქუა ბარსაბა და მერმე ეწოდა იუსტოს, და მატათია.

²⁴და ილოცეს და თქუეს: "შენ, უფალო, ყოველთა გულთა მეცნიერო, გამოაჩინე ამათ ორთაგანი ერთი,

²⁵მიღებად წილი მსახურებისაჲ, რომლისაგანცა განვიდა იუდა მისლვად ადგილსა თჳსსა".

²⁶და მისცეს წილი მათ. და გამოუჴდა წილი მატათიას ზედა და თანაშეერაცხა ათერთმეტთა მოციქულთა მეათორმეტედ.