Read ადიშის ოთხთავი 897 წ. – ძველი მონუსკრიპტები მოციქულთა საქმეები 11 Bible Online

მოციქულთა საქმეები 11 - ადიშის ოთხთავი 897 წ. – ძველი მონუსკრიპტები bible

მოციქულთა საქმეები 11

¹ესმა მოციქულთა მათ და ძმათა, რომელნი იყვნეს ჰურიასტანს, რამეთუ წარმართთაცა ზედა ნიჭი იგი სულისა წმიდისაჲ მიფენილ არს.

²ხოლო რაჟამს მოვიდა პეტრე იერუსალჱმდ, ერიდებოდეს მას, რომელნი-იგი წინადაცუეთილებისაგანნი იყვნეს ძმანი,

³რამეთუ მივიდა და შევიდა კაცთა მათ წინადაუცუეთელთა და ჭამა მათ თანა.

⁴მაშინ იწყო პეტრე თხრობად მათა დასაბამით და თქუა:

⁵"მე ვიყავ იოპეს ქალაქსა და თაყუანის-ცემასა შინა ჩემსა ვიხილევდ ჩუენებასა განსაკრთომელსა: გარდამოვიდოდა ჭური ერთი რაჲმე,ვითარცა ტილოჲ დიდი, ოთხთავე კიდეთა დამოკიდებული ცასა; მოვიდოდა და მოიწია ჩემდა ოდენ.

⁶ვითარცა მივხედე მას, და ვიხილე მე ყოველივე ოთხფერჴი და მჴეცი ქუეყანისაჲ და ქუეწარმავალი ქუეყანისაჲ და მფრინველი ცისაჲ.

⁷და მესმა ჴმაჲ იგი, რომელ მეტყოდა მე: "აღდეგ, პეტრე, და დაკალ და ჭამე".

⁸და ვთქუ: "ნუ იყოფინ ჩემდა, უფალო, რამეთუ რაჲვე ბილწი და არაწმიდაჲ არასადა შესრულ არს პირსა ჩემსა".

⁹ჴმაჲ იყო ზეცით გამო და თქუა: "რაჲ-იგი ღმერთმან წმიდა ყო, შენ ნუ ბილწ გიჩნ".

¹⁰ესე სამგზის იყო და აღმაღლდა ყოველივე იგი ზეცად.

¹¹და, აჰა, მუნქუესვე სამნი კაცნი მოიწინეს ბჭეთა მის სახლისათა, რომელსა შინა მე ვიყოფოდე, მოვლინებულნი ჩემდა კესარიაჲთ.

¹²მრქუა მე სულმან წმიდამან: "აღდეგ და მივედ ამათ თანა უვეჭუელად". მოვიდეს ჩემ თანა ძმანიცა ესე, და შევედით მის კაცისასახლსა.

¹³იწყო მან თხრობად ჩუენდა, ვითარ-იგი ანგელოზი იხილა სახლსა შინა თჳსსა მდგომარჱ, რომელმან ჰრქუა მას: "მიავლინე შენ იოპედდა მოიყვანე სიმონ, რომელსა სახელი ჰრქჳან პეტრე,

¹⁴რომელმან გრქუას შენ სიტყუაჲ, რომლითა შენ სცხონდე და ყოველნი სახლეულნი შენნი".

¹⁵და ვითარცა ვიწყე სიტყუად, მოვიდა სული წმიდაჲ მათ ზედა, ვითარცა ჩუენ ზედა პირველად,

¹⁶და მოვიჴსენე მე სიტყუაჲ იგი უფლისაჲ, რომელ თქუა, ვითარმედ: "იოჰანე ნათელ-სცემდა წყლითა, ხოლო თქუენ ნათელ-იღოთსულითა წმიდითა".

¹⁷აწ უკუე წარმართთაცა თუ მადლი იგი სწორი მისცა ღმერთმან, ვითარცა-იგი პირველად ჩუენ, რომელთა-ესე მრწმენა უფალი იესუქრისტჱ, მე რაჲმე ძალ მედვა ყენებად ღმრთისა".

¹⁸ვითარცა ესმა ესე მათ, დადუმნეს და ადიდებდეს ღმერთსა და იტყოდეს: "უკუეთუ წარმართთაცა მიცემად ჯერ-იჩინა ღმერთმანსინანული იგი ცხორებისაჲ".

¹⁹და მოციქულნი იგი რაჲ მიმოიბნინეს ჭირისა მისგან, რომელი-იგი იყო სტეფანჱს ზედა, მი-ვინმე-ვიდეს ზღჳსკიდით კერძო,რომელნიმე კჳპრედ და ანტიოქიად. არა ვის რას გარეწარსა ეტყოდეს სიტყუასა მას, გარნა ჰურიათა მათ ხოლო.

²⁰იყვნეს ვინმე მათგანნი კჳპრელნი და კჳრინელნი კაცნი, რომელნი მოვიდეს ანტიოქიად და ეტყოდეს ბერძლ მეტყუელთა მათ დაახარებდეს უფალსა იესუს.

²¹და იყო ჴელი უფლისაჲ მათ თანა განკურნებად მათა, და მრავალსა რიცხუსა ჰრწმენა და მოიქცეს უფლისა.

²²ესმა სიტყუაჲ ესე ყურთა მის ერისათა, რომელნი იყვნეს იერუსალჱმს მათთჳს, და მიავლინეს ბარნაბა ვიდრე ანტიოქიადმდე,

²³რომელი-იგი მოვიდა და იხილა მადლი იგი ღმრთისაჲ, და განიხარა და ჰლოცვიდა ყოველთა გულსმოდგინებითა გულისაჲთადადგრომად უფლისა მიმართ,

²⁴რამეთუ იყო კაცი იგი სახიერ და სავსე სულითა წმიდითა და სარწმუნოებითა. და შეეძინა ერი მრავალი უფალსა.

²⁵ხოლო იგი გამოვიდა ტარსონდ მოძიებად სავლჱსა, და პოვა და წარმოიყვანა იგი, და მოვიდეს ანტიოქიად.

²⁶და იყო მუნ მათი წელიწადი ერთი შეკრებად ეკლესიაჲსა და სწავლად ერისა მის მრავლისა და სახელ-ყოფად პირველად ანტიოქიასშინა მოწაფეთა მათ ქრისტეანებად.

²⁷ამათ დღეთა შინა გარდამოვიდეს იერუსალჱმით წინაჲსწარმეტყუელნი ანტიოქიად.

²⁸აღდგა ერთი მათგანი, რომელსა სახელი ერქუა აგაბოს, რომელი-იგი სულითა წმიდითა აუწყებდა, ვითარმედ: სიყმილი სასტიკიყოფად არს ყოველსა ზედა სოფელსა, რომელი-იგი იყო დღეთა მათ კლავდის კეისრისათა.

²⁹ხოლო მოწაფეთა მათ, ვითარცა ჴელ-რაჲ ვის-ეწიფებოდა, ბრძანეს თითოეულად კაცად-კაცადმან სამსახურებელად მიძღუანებადძმათა მათ, რომელნი-იგი მყოფ იყვნეს ჰურიასტანს,

³⁰რომელცა-იგი ყვეს, წარუძღუანეს ხუცესთა მათ მიმართ ჴელითა ბარნაბაჲსითა.