Read ადიშის ოთხთავი 897 წ. – ძველი მონუსკრიპტები მოციქულთა საქმეები 14 Bible Online

მოციქულთა საქმეები 14 - ადიშის ოთხთავი 897 წ. – ძველი მონუსკრიპტები bible

მოციქულთა საქმეები 14

¹იყო იკონიას შინა მსგავსად წესისა შესლვაჲ ჩუენი შესაკრებელსა მას ჰურიათასა და სიტყუად ესრჱთ, ვითარმედ რწმუნებად ჰურიათადა წარმართთა მრავალსა ერსა.

²ხოლო რომელნი-იგი ურწმუნონი ჰურიანი იყვნეს, აღაზრზინეს და განაბოროტნეს გულნი წარმართთანი ძმათა ზედა.

³მრავალჟამ იქცეოდეს განცხადებულად უფლისა მიმართ, რომელი ეწამებოდა მათ სიტყუათა მათ მადლისათა და მოსცემდასასწაულთა და ნიშებსა ყოფად ჴელითა მათითა.

⁴მაშინ განიწვალა სიმრავლჱ იგი მის ქალაქისაჲ, და რომელნიმე იყვნეს ჰურიათა მათ თანა და რომელნიმე მოციქულთა თანა.

⁵და ვითარ შეითქუნეს ჰურიანი იგი და წარმართნი მთავრებით მათითურთ ზედა მისლვად და გინებად მათა და ქვისა დაკრებად,

⁶განეშორნეს მიერ და მიივლტოდეს, შეევედრნეს ქალაქსა მას ლჳკაონიაჲსასა, ლჳსტრად და დერბედ, და გარემოსა სოფლებსა,

⁷და მუნ ახარებდეს.

⁸და მუნ კაც ერთ იყო, ლჳსტრას შინა, უძლურ ფერჴითა და მკელობელი დედისმუცლითგან, ჯდა, რომელსა არასადა ევლო.

⁹მას ესმეს სიტყუანი იგი პავლესნი, რომელსა იტყოდა: ვითარ მიხედა პავლე და იხილა, რამეთუ აქუნდა სარწმუნოებაჲ საცხორებელადმისა, ჰრქუა მას ჴმითა დიდითა:

¹⁰"შენ გეტყჳ, კაცო, სახელითა უფლისა ჩუენისა იესუ ქრისტჱსითა, აღდეგ ფერჴთა შენთა ზედა მართლ". აღემართა და იწყო სლვად.

¹¹მან ერმან ვითარცა იხილა, რომელ-იგი ქმნა პავლე, აღიმაღლეს ჴმაჲ მათი ჴმითა მით ლჳკაონებრითა და იტყოდეს: "კერპნი იგიმსგავსებულ არიან კაცთა და გარდამოსრულ არიან ჩუენდა".

¹²და ხადოდეს ბარნაბას დია კერპით, და პავლეს ერმჱთ, რამეთუ პავლე იყო წინამძღუარ სიტყჳსა მის.

¹³ხოლო მღდელმან მან დიოს კერპისამან, რამეთუ იგი იყო მთავარი მის ქალაქისაჲ, კუროები და გჳრგჳნები ბჭეთა მის ქალაქისათამოიღო მის ერისა თანა, და ეგულებოდა ზორვად.

¹⁴ესმა რაჲ ესე მოციქულთა ბარნაბას და პავლეს, დაიპეს სამოსელი მათი და გარდამოუჴდეს ერსა მას, ღაღადებდეს

¹⁵და იტყოდეს: "კაცნო, რასა იქმთ ამას? რამეთუ ჩუენ კაცნივე ვართ მსგავსნი თქუენნი და გახარებთ თქუენ, რაჲთა ამაოებათა ამათგანმოიქცეთ ღმრთისა ცხოველისა, რომელმან-იგი ქმნა ცაჲ და ქუეყანაჲ, ზღუაჲ და ყოველი, რაჲ არს მას შინა.

¹⁶რომელმან-იგი წარსრულთა მათ ნათესავთა მიუშუა ყოველსა მას თესლებსა სლვად გზათა ნებისა მისისათა,

¹⁷და არავე უწამებელად დაუტევა ქველისმოქმედებაჲ იგი მისი ყოველსა ჟამსა, ზეცით გარდამო მოცემად თქუენდა წჳმაჲ და ჟამნინაყოფის მოღებისანი, განძღებად საზრდელითა და სიხარულითა გულთა თქუენთა".

¹⁸და ესე რაჲ წართქუეს, ძნიად დააცხრვეს ერი იგი, რაჲთა არა უზორონ მათ, არამედ წარსლვად კაცად-კაცადი ვანად თჳსა.

¹⁹და ვიდრე იგინი იქცეოდესღა მუნ და ასწავებდეს, მოიწინეს ანტიოქიაჲთ და იკონიაჲთ ჰურიანი იგი და ეტყოდეს მათგანცხადებულად, და მიიქციეს ერი იგი განშორებად მათგან. ესრე იტყოდეს, ვითარმედ არა რას ჭეშმარიტსა იტყჳან, არამედ ყოველსა ტყუვიან. და ქვაჲდაჰკრიბეს პავლეს და გამოითრიეს იგი გარეშე ქალაქსა მას. ეგრე ეგონა, ვითარმედ მომკუდარ არს.

²⁰მო-რაჲ-ვიდეს იგინი შესაკრებელსა მას გარემო მოწაფენი იგი, აღდგა, შევიდა იგი ქალაქად, და ხვალისაგან გამოვიდა ბარნაბაჲს თანადა მივიდეს დერბედ.

²¹და ახარებდეს მას ქალაქსა და დაიმოწაფნეს მრავალნი და მიიქცეს ლუსტრად და იკონიად და ანტიოქიად.

²²და განამტკიცებდეს გულთა მათ მოწაფეთასა და ჰლოცვიდეს, რაჲთა მტკიცედ ეგნენ სარწმუნოებასა და ვითარმედ: "მრავლითაჭირითა გჳღირს ჩუენ შესლვად სასუფეველსა მას ღმრთისასა.

²³და ჴელის დადებით უკურთხნეს მათ ეკლესიად ხუცესნი, ლოცვითა და მარხვითა შეჰვედრნეს იგინი უფალსა, რომელიცა ჰრწმენამათ.

²⁴და ვითარ განვლეს პისიდიაჲ, მივიდეს პანფილიად.

²⁵და იტყოდეს რაჲ პერგეს შინა სიტყუასა მას ღმრთისასა, მიერ წარმოვიდეს და მოვიდეს იტალიად.

²⁶და მიერ ნავითა წარმოვიდეს, მივიდეს ანტიოქიად, ვინაჲთცა-იგი შევედრებულ და განმტკიცებულ იყვნეს მადლითა ღმრთისაჲთასაქმესა მას, რომელიცა აღასრულეს.

²⁷და მიერ ვითარ მოვიდეს, შეკრიბეს კრებული იგი, უთხრობდეს მათ, რავდენი-იგი ყო ღმერთმან მათ თანა, და რამეთუ განუღოწარმართთა კარი სარწმუნოებისაჲ.

²⁸და მუნ იქცეოდეს არა მცირედ რაჲ ჟამ მოწაფეთა თანა.