Read ადიშის ოთხთავი 897 წ. – ძველი მონუსკრიპტები მოციქულთა საქმეები 28 Bible Online

მოციქულთა საქმეები 28 - ადიშის ოთხთავი 897 წ. – ძველი მონუსკრიპტები bible

მოციქულთა საქმეები 28

¹ხოლო წარმართთა მათ წინა-მიყვეს ჩუენ არა მცირედი კაცთ-მოყუარებაჲ, რამეთუ აღაგზნეს ცეცხლი და შემიწყნარნეს ჩუენ ყოველნიწჳმისა მისთჳს, რომელ იყო, და ყინელისა*.

³და ვითარ შეჰკრებდა პავლე ფრიადსა ქარქუედსა და დაასხმიდა ცეცხლსა მას, იქედნჱ* სიტფოჲსა მისგან გამოჴდა და მოეხჳა ჴელსამისსა.

⁴ვითარცა იხილეს წარმართთა მათ დამოკიდებული გუელი იგი ჴელსა მისსა, ურთიერთას იტყოდეს: "კაცისმკლველი სამე იყო კაცი ესე,რომელი ზღუასა ღათუ განერა, საშჯელმან ცხორებად არავე უტევა":

⁵ხოლო მან განყარა და შეაგდო გუელი იგი ცეცხლსა და არარაჲ ევნო ბოროტი.

⁶ხოლო იგინი ჰგონებდეს, ვითარმედ განსივნეს და დაეცეს მეყსეულად მკუდარი. და ვითარ მყოვარ ჟამ დგეს და ხედვიდეს და არაჲბოროტი იქმნა მისა, მოაქციეს და იტყოდეს, ვითარმედ: ღმერთი არს.

⁷ხოლო ადგილთა მათ იყო სოფლები მთავრისა ვისიმე მის ჭალაკისაჲ, რომელსა სახელი ერქუა პოპლიოს, რომელმან შემიწყნარნა ჩუენ დასიყუარულით მოწლედ გჳსტუმრნა*.

⁸და იყო მამაჲ პოპლიოჲსი სიცხითა და ნაწლევითა სნეულ, მწოლარჱ, რომლისა შევიდა პავლე და ილოცა და დაასხნა ჴელნი მისნი დაგანკურნა იგი.

⁹და ვითარცა ესე იყო, სხუანიცა, რომელნი იყვნეს ჭალაკსა მას შინა და აქუნდა უძლურებაჲ, მოვიდოდეს და განიკურნებოდეს,

¹⁰რომელთა მრავლითა პატივითა პატივ-გუცეს ჩუენ და წარსლვასა ჩუენსა აღგუაგნეს საგზლითა.

¹¹და შემდგომად სამისა დღისა შევედით ნავსა, რომელსა დაეზამთრა მას ჭალაკსა შინა, ალექსანდრიაჲსაჲ, სახელით დიოსკორჱსი.

¹²და შთავედით სჳრაკოსად და დავადგერით მუნ სამ დღე,

¹³ვინაჲთ-იგი მოვლეთ და მივიწიენით რეგეონდ. და შემდგომად ერთისა დღისა იყო სამხრით ნიავი, და მეორესა მოვედითპუტიოლუსდ,

¹⁴სადა-იგი ვპოვენით ძმანი, და გუევედრებოდეს ჩუენ, რაჲთა დავადგრეთ მათ თანა შჳდ დღე. და ესრჱთ მოვედით ჰრომედ".

¹⁵მიერ ძმათა ესმა ჩუენთჳს და მოვიდეს შემთხუევად ჩუენდა, ვიდრე აპის უბნადმდე და მესამედ ღჳნის საფარდულად, რომელნი იხილნაპავლე და ჰმადლობდა ღმერთსა, და ნუგეშინის-იცა.

¹⁶და ოდეს შევიდა ჰრომედ, უბრძანეს პავლეს ყოფაჲ თჳსაგან მცველისა მის თანა ერისკაცისა.

¹⁷და იყო შემდგომად სამისა დღისა, მოუწოდა პავლე მათ, რომელნი იყვნეს ჰურიანი მთავარნი. და ვითარ მოკრბეს იგინი, ეტყოდა მათ:"მე, კაცნო ძმანო, არაჲ ბოროტი ვქმენ ერისათჳს გინათუ შჯულისა მამულისა, და კრული იერუსალჱმით მივეცი ჴელთა ჰრომთასა,

¹⁸რომელთა განმიკითხეს მე და უნდა განტევებაჲ ჩემი ამისთჳს, რამეთუ არცა ერთი რაჲ* ბრალი სიკუდილისაჲ იყო ჩემ თანა;

¹⁹ვითარ-იგი სიტყუას-მიგებდეს მე ჰურიანი, ვიიძულე ღაღადის-გდებად კეისრისა, არათუ შესმენაჲ რაჲ მედვა ნათესავისა ჩემისაჲ.

²⁰ამის მიზეზისათჳს გლოცევდ თქუენ, რაჲთა მოხჳდეთ და გიხილნე და გეტყოდი, რამეთუ სასოებისათჳს ისრაჱლისა ჯაჭჳ ესე ზედა-მაც".

²¹ხოლო მათ ჰრქუეს მას: "ჩუენ არცა წიგნი მოგჳჴდა შენთჳს ჰურიასტანით, არცა მო-ვინ-ვიდა ძმათაგანი და გჳთხრა, გინათუ იტყოდაშენთჳს ბოროტსა.

²²ხოლო ამას გლოცავთ, რაჲთა ვისმინოთ შენგან, რასა ზრახავ. ხოლო ჴდომისა მის- თჳს უწყებულ არს ჩუენდა, რამეთუ ყოველსა ადგილსა ცილობაჲ აღდგომილ არსო".

²³და განაჩინეს დღჱ და მოვიდეს მისა ვანად მრავალნი, რომელთა ასწავებდა და უწამებდა სასუფეველსა ღმრთისასა და არწმუნებდა მათიესუჲსთჳს შჯულისაგან მოსჱსისა და წინაჲსწარმეტყუელთა* დილითგან მწუხრადმდე.

²⁴და რომელნიმე ერჩდეს სიტყუათა მათ და რომელნიმე არა ერჩდეს.

²⁵შეთქუმულ იყვნეს ურთიერთას და განვიდოდეს. თქუა პავლე ერთი სიტყუაჲ, ვითარმედ: "კეთილად იტყოდა სული წმიდაჲ ესაიაჲს მიერ წინაჲსწარმეტყუელისა მამათა თქუენთათჳს

²⁶და თქუა: "მივედ ერისა მის და არქუ მათ: სმენით გესმოდის და არა გულისხმა-ჰყოთ, და ხედვით ხედვიდეთ და არა იხილოთ.

²⁷რამეთუ განზრქნა გული ერისაჲ მის, და ყურითა მძიმედ ისმინეს და თუალნი მათნი დაიწუნეს, ნუსადა იხილონ თუალითა და ყურითაისმინონ და გულითა გულისხმა-ყონ* და მოიქცენ, განვკურნნე* იგინი".

²⁸ესე უწყებულ იყავნ თქუენდა, რამეთუ წარმართთა მოივლინა მაცხოვარებაჲ ესე; მათცა ისმინონ".

²⁹და ესე რაჲ თქუა, წარვიდეს ჰურიანი იგი და ფრიადი გამოძიებაჲ აქუნდა თავთა შორის თჳსთა.

³⁰და დაადგრა მუნ ორ წელ ყოვლად თჳსითა სასყიდელითა და შეიწყნარებდა ყოველთა, რომელნი მივიდოდეს მისა.

³¹ქადაგებდა სასუფეველსა ღმრთისასა და ასწავებდა იესუ ქრისტესთჳს ყოვლითა განცხადებულებითა დაუბრკოლებელად.