Read ადიშის ოთხთავი 897 წ. – ძველი მონუსკრიპტები მოციქულთა საქმეები 3 Bible Online

მოციქულთა საქმეები 3 - ადიშის ოთხთავი 897 წ. – ძველი მონუსკრიპტები bible

მოციქულთა საქმეები 3

¹პეტრე და იოვანე აღვიდოდეს ტაძარსა მას ჟამსა ოდენ ლოცვისასა ცხრა ჟამს.

²და კაცი ვინმე იყო, მკელობელი მუცლითგან დედისაჲთ იყო, რომელი აღიკიდიან, დასჳან დღითი-დღედ კართა თანა ტაძრისათა,რომელსა ერქუა შუენიერ, თხოვად ქველისსაქმარისა შემავალთაგან ტაძრად,

³რომელმან იხილნა პეტრე და იოვანე, შე-რაჲ-ვიდოდეს ტაძრად, ითხოვდა ქველისსაქმარსა მათგან.

⁴მიხედა მას პეტრე იოვანჱთურთ და ჰრქუა: "მოიხილე ჩუენდა".

⁵ხოლო იგი ხედვიდა მათ და ელოდა მოღებად რასმე მათგან.

⁶ჰრქუა მას პეტრე: "ოქროჲ და ვეცხლი არა მაქუს ჩუენ; ხოლო რომელი მაქუს, გცეთ შენ სახელითა იესუ ქრისტჱს ნაზარეველისაჲთა:აღდეგ და ვიდოდე!"

⁷და უპყრა ჴელი მარჯუენჱ მისი, აღადგინა იგი. მეყსეულად განუმტკიცნეს ფერჴნი მისნი და კოჭნი;

⁸და აღდგა და ვიდოდა და შევიდა მათ თანა ტაძარსა მას, ვიდოდა და ხლდებოდა და აქებდა ღმერთსა.

⁹და იხილა იგი ყოველმან ერმან, ვიდოდა იგი და აქებდა ღმერთსა.

¹⁰იცოდეს იგი, რამეთუ ესე არს, რომელი იგი ზინ ქველისსაქმარისათჳს ბჭეთა ზედა შუენიერთა ტაძრისათა. და აივსნეს იგინი შიშითადა საკჳრველებითა, რომელი- -იგი იქმნა მის ზედა.

¹¹და ვითარ ეპყრა მას პეტრე და იოჰანე, შეკრბებოდა ყოველი ერი მათა სტოვასა მას, რომელსა ჰრქჳან სოლომონისი, საკჳრველისამისთჳს.

¹²ვითარცა იხილა პეტრე, ჰრქუა ერსა მას: "კაცნო ისრაიტელნო, რაჲსა გიკჳრს ამას ზედა? ანუ ჩუენ რაჲსა მხედავთ, ვითარცა თჳსითაძალითა გინა ღმრთისმსახურებითა გჳყოფიეს სლვაჲ ეგე მაგისი?

¹³ღმერთმან აბრაჰამისმან და ღმერთმან ისაკისმან და ღმერთმან იაკობისმან და ღმერთმან მამათა ჩუენთამან ადიდა ძჱ თჳსი იესუ,რომელი თქუენ მიეცით და უვარ-ჰყავთ წინაშე პილატჱსა, რომელმან საჯა განტევებაჲ მისი.

¹⁴ხოლო თქუენ წმიდაჲ იგი და მართალი უვარ-ჰყავთ, და გამოითხოვეთ კაცი იგი კაცისმკლველი.

¹⁵ხოლო წინამძღუარი იგი ცხორებისაჲ მოჰკალთ, რომელი ღმერთმან აღადგინა მკუდრეთით, რომლისა ჩუენ ვართ მოწამე.

¹⁶და სარწმუნოებითა სახელისა მისისაჲთა, რომელსა ამას ხედავთ და იცით, განამტკიცა სახელმან მისმან, და სარწმუნოებამან მისმიერმან მოსცა მას სიცოცხლჱ ესე წინაშე თქუენ ყოველთა.

¹⁷და აწ უწყით, ძმანო, რამეთუ უმეცრებით ჰქმენით, ვითარცა-იგი მთავართა თქუენთა.

¹⁸ხოლო რომელი-იგი ღმერთმან წინაჲსწარ აღუთქუა პირითა ყოველთა წინაჲსწარმეტყუელთა მისთა მიერ, ვნებაჲ ცხებულისამისისაჲ, აღასრულა ესრჱთ.

¹⁹აწ უკუე შეინანეთ და მოიქეცით, რაჲთა აღიჴოცნენ ცოდვანი თქუენნი,

²⁰რაჲთა, რაჟამს მოიწინენ ჟამნი განსუენებისანი პირისაგან უფლისა, და მოავლინოს რომელსა-იგი ჴელი შეჰყავთ თქუენ, ქრისტჱ იესუ,

²¹რომელი-იგი ზეცით ჯერ-არს შეწყნარებად ვიდრე ჟამადმდე კუალადგებისა ყოველთა, რომელთა იტყოდა ღმერთი პირითა წმიდათაწინაჲსწარმეტყუელთა მისთაჲთა.

²²მოსე თქუა, რამეთუ: "წინაჲსწარმეტყუელი აღგიდგინოს თქუენ უფალმან ღმერთმან თქუენმან ძმათაგან თქუენთა, ვითარცა-ესე მე;მისი ისმინეთ ყოვლისაებრ, რომელსა გეტყოდის თქუენ.

²³და იყოს ყოველმან სულმან რომელმან არა ისმინოს მის წინაჲსწარმეტყუელისაჲ, მოისპოს სული იგი ერისაგან მისისა".

²⁴და ყოველნივე წინაჲსწარმეტყუელნი სამოველისითგან და შემდგომითი შემდგომად რავდენნი იტყოდეს, და წინაჲსწარ უთხრობდესდღეთა ამათ.

²⁵რამეთუ თქუენ ხართ შვილნი წინაჲსწარმეტყუელთანი და აღთქუმისანი, რომელი-იგი აღუთქუა ღმერთმან მამათა თქუენთა დაჰრქუა აბრაჰამსა, ვითარმედ: "ნათესავისა შენისა მიმართ იკურთხეოდიან ყოველნი ნათესავნი ქუეყანისანი".

²⁶თქუენ პირველად აღგიდგინა ძჱ თჳსი იესუ და მოავლინა მაკურთხეველად თქუენდა, რაჲთა მოიქცეთ კაცად-კაცადიუკეთურებისაგან თქუენისა".