Read ადიშის ოთხთავი 897 წ. – ძველი მონუსკრიპტები მოციქულთა საქმეები 6 Bible Online

მოციქულთა საქმეები 6 - ადიშის ოთხთავი 897 წ. – ძველი მონუსკრიპტები bible

მოციქულთა საქმეები 6

¹ამათ დღეთა შინა განმრავლებასა მოწაფეთასა იყო დრტჳნვაჲ ბერძენთაჲ ებრაელთა მიმართ, რამეთუ უგულებელ იქმნებოდამსახურებაჲ იგი დღითი-დღედ ქურივთა მათთაჲ.

²მაშინ მოუწოდეს ათორმეტთა მათ სიმრავლესა მას მოწაფეთასა და ჰრქუეს: "არა სათნო არს ჩუენდა დატევებაჲ სიტყჳსა ღმრთისაჲ დამსახურებაჲ ტაბლებსა.

³გამოირჩიენით, ძმანო, კაცნი თქუენგანნი, რომელნი წამებულ იყვნენ შჳდნი, სავსენი სულითა წმიდითა და სიბრძნითა, რომელნიდაადგინნეთ საჴმარსა ამას ზედა.

⁴ხოლო ჩუენ ლოცვასა და მსახურებასა ამის სიტყჳსასა განვეკრძალნეთ".

⁵და სათნო უჩნდა სიტყუაჲ წინაშე ყოველსა მას სიმრავლესა და გამოირჩიეს სტეფანე, კაცი სავსჱ სარწმუნოებითა და სულითაწმიდითა, და ფილიპე და პროქორონ და ნიკარონა და ტიმონა და პარმენა და ნიკოლაოზ მწირი ანტიოქელი.

⁶და ილოცეს და დაასხნეს მათ ზედა ჴელნი მათნი.

⁷და სიტყუაჲ იგი უფლისაჲ აღორძნდებოდა და განმრავლდებოდა რიცხჳ იგი მოწაფეთაჲ იერუსალჱმს ფრიად სარწმუნოებასა.

⁸ხოლო სტეფანე სავსე იყო სულითა წმიდითა და ძალითა იქმოდა ნიშებსა და სასწაულებსა დიდსა ერსა შორის.

⁹აღ-ვინმე-დგეს კრებულისა მისგან, რომელსა ერქუა ლიბელტიმელთაჲ და კილიკიაჲთ და ასიაჲთ და კჳრინელთაჲ დაალექსანდრელთაჲ, და გამოეძიებდეს სტეფანეს თანა,

¹⁰და ვერ შეუძლეს წინადადგომად სიბრძნითა მით და სულითა, რომელსა იტყოდა.

¹¹მაშინ აბირნეს ვინმე კაცნი, რომელთა თქუეს, ვითარმედ: "გუესმა ჩუენ მაგისი, იტყოდა რაჲ სიტყუასა გმობისასა მოსჱსთჳს დაღმრთისა".

¹²აღძრეს ერი იგი და მოხუცებულნი და მწიგნობარნი, და ზედა მოუჴდეს, წარმოიტაცეს იგი და მოიყვანეს კრებულსა წინაშე.

¹³და წარმოადგინნეს მოწამენი ცრუნი, რომელთა თქუეს, ვითარმედ: "კაცი ესე არა დასცხრების სიტყუად სიტყუასა ბოროტსაადგილისა ამისთჳს წმიდისა და შჯულისა;

¹⁴რამეთუ გუესმა მაგისგან, ვითარმედ ეგე იტყოდა, ვითარმედ: იესუ ნაზარეველმან დაარღჳოს ადგილი ესე და შჯული ცვალოს,რომელი მომცა ჩუენ მოსე".

¹⁵და მიჰხედეს მას ყოველთავე, რომელნი სხდეს მუნ კრებულსა მას შორის, და იხილეს პირი მისი ვითარცა პირი ანგელოზისაჲ.