Read ადიშის ოთხთავი 897 წ. – ძველი მონუსკრიპტები რომაელთა მიმართ 13 Bible Online

რომაელთა მიმართ 13 - ადიშის ოთხთავი 897 წ. – ძველი მონუსკრიპტები bible

რომაელთა მიმართ 13

¹ყოველი კაცი ჴელმწიფებასა მას უმთავრჱსსა დაემორჩილენ, რამეთუ არა არს ჴელმწიფებაჲ, გარნა ღმრთისა მიერ; და რომელნი-იგიგანწესებულ არიან, ღმრთისა მიერვე არიან.

²ამიერითგან რომელი ადგებოდის ჴელმწიფებასა მას, ღმრთისა ბრძანებასა ადგების. ხოლო რომელნი-იგი ადგებოდიან, თავისა თჳსისასაშჯელი მოიღონ.

³რამეთუ მთავარნი იგი არა არიან საშინელად კეთილის მოქმედთათჳს, არამედ ბოროტის მოქმედთათჳს. გნებავს თუ, რაჲთა არა გეშინოდისჴელმწიფებისა მის? კეთილსა იქმოდე და მოიღო ქებაჲ მისგან,

⁴რამეთუ ღმრთის მსახური არს შენდა კეთილისათჳს. უკუეთუ ბოროტსა იქმოდი, გეშინოდენ, რამეთუ არა ცუდად ჴრმალ აბიეს; რამეთუღმრთისა მსახური არს, შურის მეძიებელი რისხვასა ბოროტის მოქმედისათჳს.

⁵ამისთჳს ჯერ-არს დამორჩილებაჲ არა ხოლო რისხვისათჳს, არამედ გონებისათჳსცა იჭჳსა.

⁶ამისთჳს ხარკსაცა მისცემდით, რამეთუ მსახურნი ღმრთისანი არიან, ამისთჳსვე მოღუაწებასა განკრძალულ არიან.

⁷მისცემდით ყოველთა თანა-ნადებსა: სახარკოსა -- ხარკი, საზუერესა -- ზუერი, საშინელსა -- შიში, პატივსა -- პატივი.

⁸ნურაჲმცა ვისი თანა-გაც, გარნა ურთიერთას სიყუარული. რამეთუ რომელსა უყუარდეს მოყუასი, მან შჯული აღასრულა, რომელ არს ესე:

⁹არა იმრუშო, არა კაც-ჰკლა, არა იპარო, არა გული გითქუმიდეს, და სხუაჲ თუ რაჲმე მცნებაჲ არს, ამითვე სიტყჳთა აღესრულების,ვითარმედ: შეიყუარო მოყუასი შენი, ვითარცა თავი თჳსი.

¹⁰სიყუარულმან მოყუასსა ბოროტი არა უყვის; აღმასრულებელი შჯულისაჲ არს სიყუარული.

¹¹და ესე უწყოდეთ, რამეთუ აწვე არს ჟამი განღჳძებად ჩუენდა ძილისაგან. აწ უმახლობელჱს არს ჩუენდა ცხოვრებაჲ, ოდესღა-ესე გურწმენა.

¹²ღამჱ იგი განგუეშოვრა, და ნათელი შემოგუეახლა; აწ უკუე განვიშოვრნეთ საქმენი ბნელისანი და შევიმოსოთ საჭურველინათლისაჲ.

¹³და ვითარცა დღესა შინა, შუენიერად ვიქცეოდით ნუ სიმღერითა და მთრვალობითა, ნუცა საწოლითა ბილწებისაჲთა, ნუ ჴდომითა დაშურითა,

¹⁴არამედ შეიმოსეთ უფალი იესუ ქრისტჱ და ჴორცთა ნებასა ნუ ჰყოფთ გულის სათქუმელ.