Read ადიშის ოთხთავი 897 წ. – ძველი მონუსკრიპტები რომაელთა მიმართ 5 Bible Online

რომაელთა მიმართ 5 - ადიშის ოთხთავი 897 წ. – ძველი მონუსკრიპტები bible

რომაელთა მიმართ 5

¹აწ უკუე განმართლებულ ვართ სარწმუნოებითა, მშჳდობა მაქუს ღმრთისა მიმართ უფლისა ჩუნისა მიერ იესუ ქრისტჱსა,

²რომლისაგანცა მოუჴედით სარწმუნოებითა მადლსა მას, რომლითაცა ვდგათ და ვიქადით სასოებითა დიდებისა ღმრთისაჲთა.

³არა ხოლო ესოდენ, არამედ ვიქადითცა ჭირსა შინა, უწყით, რამეთუ ჭირი მოთმინებასა შეიქმს,

⁴ხოლო მოთმინებაჲ -- გამოცდილებასა, და გამოცდილებაჲ -- სასოებასა.

⁵ხოლო სასოებამან არა არცხჳნის, რამეთუ სიყუარული ღმრთისაჲ განფენილ არს გულთა შინა ჩუენთა სულითა წმიდითა, რომელ-იგიმოცემულ არს ჩუენდა.

⁶რამეთუ ქრისტჱ, ვიდრე-იგი ჩუენ უძლურღა ვიყვენით, ჟამსა ოდენ უღმრთოთათჳს მოკუდა.

⁷რამეთუ ძნიად ვინმე მართლისათჳს მოკუდის, ხოლო კეთილისათჳს, ვინ უწყის, იკადრის ვინმე სიკუდილი.

⁸ხოლო გამოაცხადა თჳსი იგი სიყუარული ჩუენდა მომართ ღმერთმან, რამეთუ ვიდრე-იგი ჩუენ უღმრთოღა ვიყვენით, ქრისტჱ ჩუენთჳსმოკუდა.

⁹რაოდენ უფროჲს აწ, განმართლებულ ვართ სისხლითა მისითა, განვერნეთ ჩუენ მის მიერ რისხვისაგან.

¹⁰უკუეთუ ვიდრე-იგი მტერღა ვიყვენით და დავეგენით ღმერთსა სიკუდილითა ძისა მისისაჲთა, რაოდენ უფროჲს აწ, და-რაჲ ესე-ვეგენით,ვცხოვნდეთ ჩუენ მაცხოვარებითა მისითა!

¹¹არა ხოლო ესე ოდენ, არამედ ვიქადითცა ღმრთისა მიმართ ქრისტე იესუჲს მიერ, რომლისაგან აწ დაგებაჲ ესე მოვიღეთ.

¹²ამისთჳს, ვითარცა-იგი ერთისა მის კაცისათჳს ცოდვაჲ სოფლად შემოჴდა და ცოდვისა ძლით -- სიკუდილი, და ესრეთ ყოველთა კაცთა ზედასიკუდილი მოიწია, რომლითა ყოველთა კაცთა შესცოდეს,

¹³რამეთუ შჯულისა მოწევნადმდე ცოდვაჲ იყო სოფელსა შინა და ცოდვაჲ იგი არად შერაცხილ იყო, რამეთუ არღა იყო შჯული.

¹⁴არამედ სუფევდა სიკუდილი ადამისითგან მოსესადმდე და მათ ზედაცა, რომელთა-იგი არა ეცოდა მსგავსად გარდასლვისა მის ადამისა,რომელ-იგი არს სახჱ მერმეთა მათ ჟამთაჲ.

¹⁵არამედ არა ვითარ შეცოდებაჲ, ეგრეცა მადლი; უკუეთუ ერთისა მის შეცოდებითა მრავალნი მოწყდეს, რაოდენ უფროჲს მადლი ღმრთისაჲდა ნიჭი იგი მადლითა მით ერთისა კაცისა იესუ ქრისტჱსითა მრავალთა მიმართ აღემატა!

¹⁶და არა ვითარცა ერთისა მის შეცოდებულისათჳს ნიჭი იგი, რამეთუ საშჯელი იგი ერთისა მისგან დასაშჯელად, ხოლო მადლი იგიმრავალთაგან შეცოდებათა განსამართლებელად.

¹⁷უკუეთუ ერთისა მის შეცოდებითა სიკუდილი სუფევდა ერთისა მისგან, რაოდენ უფროჲს, რომელნი-იგი მეტსა მადლისასა და ნიჭსასიმართლისასა მოიგებენ, ცხოვრებასა შინა სუფევდენ ერთისა მისგან იესუ ქრისტჱსა!

¹⁸ვითარცა-იგი ერთისა მისგან შეცოდებისა ყოველთა კაცთა ზედა დასაშჯელად, ეგრეცა ერთისა მის სიმართლისათჳს ყოველთა კაცთა ზედაგანსამართლებელად ცხოვრებისა.

¹⁹ვითარცა-იგი ერთისა მისგან კაცისა ურჩებითა ცოდვილნი შემოჴდეს მრავალნი, ეგრეცა ერთისა მის კაცისა მორჩილებითა მართალნიშემოვიდეს მრავალნი.

²⁰რამეთუ შჯული შორის შემოვიდა, რაჲთა განმრავლდეს ცოდვაჲ, და სადა-იგი განმრავლდა ცოდვაჲ, მუნ უფროჲს გარდაემატა მადლი,

²¹რაჲთა ვითარცა სუფევდა ცოდვაჲ სიკუდილსა შინა, ეგრეცა მადლი სუფევდეს სიმართლესა შინა ცხოვრებად საუკუნოდ ქრისტე იესუჲსმიერ უფლისა ჩუენისა.