Read ადიშის ოთხთავი 897 წ. – ძველი მონუსკრიპტები 1 კორინთელთა მიმართ 2 Bible Online

1 კორინთელთა მიმართ 2 - ადიშის ოთხთავი 897 წ. – ძველი მონუსკრიპტები bible

1 კორინთელთა მიმართ 2

¹ხოლო მე, ძმანო, მოვედ თქუენდა, მოვედ არა მეტნობისა სიტყჳთა სიბრძნისაჲთა მითხრობად თქუენდა წამებაჲ იგი ღმრთისაჲ.

²რამეთუ არარაჲ სხუაჲ დავიდევ გულსა ჩემსა უწყებად თქუენდა, გარნა ქრისტე იესუ და იგიცა ჯუარს-ცუმულივე.

³მე უძლურებასა შინა და შიშსა და ძრწოლასა მრავალსა ვიყავ თქუენდა მიმართ.

⁴და სიტყუაჲ ჩემი და ქადაგებაჲ ჩემი არა რწმუნებითა მით სიბრძნისა სიტყჳთა, არამედ გამოცხადებითა სულისა წმიდისაჲთა დაძალითა,

⁵რაჲთა სარწმუნოებაჲ ეგე თქუენი არა იყოს სიბრძნითა კაცთაჲთა, არამედ ძალითა ღმრთისაჲთა.

⁶ხოლო სიბრძნესა მას ვიტყჳ სრულთა მათ მიმართ, სიბრძნესა არა ამის სოფლისასა, არცაღა მთავართასა მას ამის სოფლისასა, რომელნიგანქარვებად არიან,

⁷არამედ ვიტყჳ ღმრთისა სიბრძნესა, საიდუმლოსა მას დაფარულსა, რომელ-იგი პირველადვე გამოაჩინა ღმერთმან უწინარჱს საუკუნეთასადიდებელად ჩუენდა,

⁸რომელ-იგი არავინ მთავართაგანმან ამის სოფლისამან იცნა; უკუეთუმცა იცნეს, არამცა უფალი იგი დიდებისაჲ ჯუარს-აცუეს.

⁹არამედ ვითარცა წერილ არს: რომელი თუალმან არა იხილა, და ყურსა არა ესმა, და გულსა კაცისასა არა მოუჴდა, რომელი განუმზადაღმერთმან მოყუარეთა თჳსთა.

¹⁰რამეთუ ჩუენ გამოგჳცხადა ღმერთმან სულითა თჳსითა; რამეთუ სული ყოველსავე გამოეძიებს, და სიღრმესაცა ღმრთისასა.

¹¹ვინ-მე უკუე იცის კაცმან კაცისაჲ, გარნა სულმანვე კაცისამან, რომელ არს მის თანა? ეგრეცა ღმრთისაჲ არავინ იცის, გარნასულმანვე ღმრთისამან.

¹²ხოლო ჩუენ არა სული ამის სოფლისაჲ მოგჳღებიეს, არამედ სული იგი, რომელ არს ღმრთისაგან, რაჲთა ვიცოდით ღმრთისა მიერმონიჭებული ჩუენდა;

¹³რომელსაცა-ესე ვიტყჳთ არა სწავლულებითა კაცთა სიბრძნისა სიტყჳთა, არამედ სწავლითა სულისა წმიდისაჲთა სულიერთა მათ თანასულიერსა შევატყუებთ.

¹⁴ხოლო მშჳნვიერმან მან კაცმან არა შეიწყნარის სულისა მისგან ღმრთისაჲსა, რამეთუ სიცოფე უჩნ მას, და ვერ შემძლებელ არნ ცნობად,რამეთუ სულიერად განიკითხვინ.

¹⁵სულიერმან მან განიკითხის ყოველი, ხოლო იგი არავისგან განიკითხვის.

¹⁶ვინ-მე უკუე ცნა გონებაჲ უფლისაჲ, ანუ ვინ-მე თანა-მზრახვალ ეყო მას? ხოლო ჩუენ გონებაჲ ქრისტჱსი გუაქუს.