Read ადიშის ოთხთავი 897 წ. – ძველი მონუსკრიპტები 2 კორინთელთა მიმართ 13 Bible Online

2 კორინთელთა მიმართ 13 - ადიშის ოთხთავი 897 წ. – ძველი მონუსკრიპტები bible

2 კორინთელთა მიმართ 13

¹მესამედ ესერა მოვალ თქუენდა. პირითა ორისა და სამისა მოწამისაჲთა დაემტკიცოს ყოველი სიტყუაჲ.

²წინაცა ვთქუ და აწცა წინაჲსწარ გეტყჳ, ვითარცა-იგი პირსპირ მაშინ და შოვრით, აწ წინაჲსწარ შეცოდებულთა მათ და სხუათა ყოველთა:უკუეთუ კუალად მოვიდე, არა გერიდო.

³ანუ გამოცდასა ეძიებთ მისსა, რომელი-იგი ჩემ მიერ იტყჳს ქრისტჱ; რომელი-იგი თქუენდა მიმართ არა უძლურ არს, არამედ ძლიერ თქუენშორის.

⁴და ღათუ ჯუარს-ეცუა უძლურებით, არამედ ცხოველ არს ძალითა ღმრთისაჲთა; და რამეთუ ჩუენცა უძლურ ვართ მისა მიმართ, არამედვცხოვნდეთ მის თანა ძალისაგან ღმრთისა თქუენითურთ.

⁵თავნი თჳსნი გამოიცადენით, უკუეთუ ხართ სარწმუნოებასა შინა. თავნი თჳსნი განიკითხენით. ანუ არა გიცნობიეს თავით თჳსით, რამეთუქრისტე თქუენ შორის არს? გარნა თუ გამოუცდელ რაჲ ხართ.

⁶რამეთუ ჩუენ ვესავთ, ვითარმედ სცნათ, რამეთუ ჩუენ არა ვართ გამოუცდელ.

⁷და ვილოცავთ ღმრთისა მიმართ, რაჲთა არაჲ გეყოს თქუენ ბოროტი რაჲმე, არა თუ რაჲთა ჩუენ გამოცდილად გამოვჩნდეთ; არამედ რაჲთათქუენ კეთილი ჰქმნეთ, ხოლო ჩუენ რაჲთა გამოუცდელ ვიყვნეთ.

⁸რამეთუ არა ჴელ-მეწიფების ჩუენ ჭეშმარიტებისათჳს ძჳრის რაჲსმე სიტყუად, არამედ ჭეშმარიტებისა კერძო.

⁹გჳხარის, რაჟამს ჩუენ უძლურ ვართ, და თქუენ ძლიერ იყვნეთ; ამასცა ვჰლოცავ, თქუენსა სიმტკიცესა.

¹⁰ამისთჳს ამას შოვრით მივსწერ, რაჲთა არა, მი-რაჲ-ვიდე, თუალ-უხუავად ვყო ჴელმწიფებითა მით, რომელ მომცა მე უფალმანაღსაშჱნებელად და არა დასარღუეველად.

¹¹ამიერითგან, ძმანო, გიხაროდენ, მტკიცე იყვენით, ნუგეშინის-ცემულ, მასვე ზრახევდით, მშჳდობასა ჰყოფდით; და ღმერთი მშჳდობისაჲ და სიყუარულისაჲ იყავნ თქუენ თანა.

¹²მოიკითხევდით ურთიერთას ამბორის-ყოფითა წმიდითა.

¹³გიკითხვენ თქუენ წმიდანი ყოველნი.

¹⁴მადლი უფლისა ჩუენისა იესუ ქრისტჱსი, და სიყუარული ღმრთისაჲ, და ზიარებაჲ წმიდისა სულისაჲ თქუენ ყოველთა თანა. ამენ.