Read ადიშის ოთხთავი 897 წ. – ძველი მონუსკრიპტები 2 კორინთელთა მიმართ 9 Bible Online

2 კორინთელთა მიმართ 9 - ადიშის ოთხთავი 897 წ. – ძველი მონუსკრიპტები bible

2 კორინთელთა მიმართ 9

¹ხოლო მსახურებისა მისთჳს წმიდათაჲსა მეტ რაჲმე მიჩს მიწერად თქუენდა.

²რამეთუ ვიცი გულს-მოდგინებაჲ ეგე თქუენი ჩუენდა მომართ, რომელ ვიქადი მაკედონელთა თანა, რამეთუ აქაიაჲ განმზადებულ არსშრანდითგან, და თქუენმან მაგან შურმან Ms. page: AR აღაბაძვნა მრავალნი.

³მივავლინენ ძმანი, რაჲთა არა სიქადული იგი ჩუენი თქუენთჳს ცუდად იყოს ამიერ კერძო, რაჲთა, ვითარცა-იგი ვიტყოდეთ, განმზადებულიყვნეთ.

⁴ნუუკუე, მო-რაჲ-ვიდენ მაკედონელნი ჩემ თანა და გპოვნენ თქუენ განუმზადებელნი, და მრცხუენოდის ჩუენ, -- რაჲთა არა გეტყოდითთქუენ, -- ამის ჯერისათჳს.

⁵უმჯობჱსადრე შევჰრაცხე, რაჲთა ვევედრო ძმათა, რაჲთა წინაჲსწარ მივიდენ თქუენდა და წინაჲსწარ განგაკრძალნენ თქუენ პირველაღთქუმულისა მისთჳს კურთხეულისა თქუენისა, რაჲთა ესე განმზადებულ იყოს ესრჱთ, ვითარცა კურთხეული და ნუ ვითარცა ანგაჰრებითი.

⁶ხოლო ესე: რომელმან სთესოს რიდობით, რიდობითცა მოიმკოს, და რომელი სთესვიდეს კურთხევით, კურთხევითცა მოიმკოს.

⁷კაცად-კაცადსა ვითარცა გამოურჩევიეს გულითა, ნუ მწუხარებით, ნუცა უნებლებით; რამეთუ მხიარულად მისაცემელი უყუარს ღმერთსა.

⁸ხოლო ძალ-უც ღმერთსა გარდამატებად თქუენდა ყოველივე საჴმარი, რაჲთა ყოველსა შინა მარადის ყოველივე უნაკლულოდ გაქუნდეს და ჰმატებდეთ ყოველსა ზედა საქმესა კეთილსა.

⁹ვითარცა წერილ არს: განაბნია და მისცა იგი გლახაკთა, და სიმართლჱ მისი ჰგიეს უკუნისამდე.

¹⁰ხოლო რომელმან-იგი მოსცის თესლი მთესვარსა და პური საზრდელად, მოგეცინ და განამრავლენ თესლი თქუენი და აღაორძინენ ნაყოფისიმართლისა თქუენისაჲ.

¹¹ყოველსა შინა გაგამდიდრენინ ყოვლითა უხუებითა, რომელ-იგი შეიქმნების ჩუენ მიერ სამადლობელად ღმრთისა.

¹²რამეთუ მსახურებაჲ ესე ხარკისაჲ ამის არა ხოლო თუ არს აღმავსებელ ნაკლულევანებისა მის წმიდათაჲსა, არამედ აღმატებაცამრავალთათჳს სამადლობელად ღმრთისა.

¹³გამოცდილებითა მით ამის მსახურებისაჲთა ადიდებდით ღმერთსა, დამორჩილებითა მით აღსაარებისა თქუენისაჲთა სახარებასა მასქრისტჱსსა და უხუებითა ზიარებისაჲთა მათა მიმართ და ყოველთა.

¹⁴და მათი იგი ლოცვაჲ თქუენთჳს ჰსურის მათ თქუენდა გარდარეულითა მით მადლითა ღმრთისაჲთა, რომელ არს თქუენ ზედა.

¹⁵მადლი ღმერთსა გამოუთქუმელთა მათ ზედა ნიჭთა მისთა.