Read ადიშის ოთხთავი 897 წ. – ძველი მონუსკრიპტები კოლასელთა მიმართ 1 Bible Online

კოლასელთა მიმართ 1 - ადიშის ოთხთავი 897 წ. – ძველი მონუსკრიპტები bible

კოლასელთა მიმართ 1

¹პავლე, მოციქული ქრისტე იესუჲსი ნებითა ღმრთისაჲთა, და ტიმოთე ძმაჲ

²კოლასეს შინა წმიდათა და მორწმუნეთა ძმათა ქრისტე იესუჲს მიერთა:

³მადლი თქუენდა და მშჳდობაჲ ღმრთისა მიერ მამისა ჩუენისა. ვჰმადლობთ ღმერთსა და მამასა უფლისა ჩუენისასა, მარადის ვილოცავთ თქუენთჳს.

⁴რამეთუ გუესმა სარწმუნოებაჲ ეგე თქუენი ქრისტე იესუჲს მიმართ და სიყუარული ეგეთქუენი ყოველთა მიმართ წმიდათა

⁵სასოებისა მისთჳს, რომელ განმზადებულ არს თქუენთჳს ცათა შინა, რომელ-იგი წინაჲსწარგესმა სიტყუასა მას შინა ჭეშმარიტებისა სახარებისასა,

⁶რომელ-ეგე მიიწია თქუენდა, და ყოველსა შინა სოფელსა არს ნაყოფიერ და აღორძინებულ,ვითარცა-ეგე თქუენ შორის, ვინაჲთ დღითგან გესმა და სცანთ მადლი იგი ღმრთისაჲ ჭეშმარიტებით,

⁷ვითარცა-იგი ისწავეთ ეპაფრჱსგან, საყუარელისა თანა-მონისა ჩუენისა, რომელ-იგი არსსარწმუნოჲ თქუენდა მიმართ მსახური ქრისტჱსი,

⁸რომელმანცა მაუწყა ჩუენ თქუენი ეგე სიყუარული სულითა.

⁹ამისთჳსცა ჩუენ, ვინაჲ დღითგან გუესმა, არა დავსცხრებით თქუენთჳს ლოცვითა დათხოვითა, რაჲთა აღივსნეთ მეცნიერებითა ნებისა მისისაჲთა, ყოვლითა სიბრძნითა და გულისხმის-ყოფითა სულიერითა,

¹⁰რაჲთა ხჳდოდით თქუენ ღირსად ღმრთისა ყოველსავე სათნოებასა ყოვლითა საქმითაკეთილითა ნაყოფიერ და აღორძინებულ მეცნიერებითა ღმრთისაჲთა,

¹¹ყოვლითა ძალითა განძლიერებულ სიმტკიცითა დიდებისა მისისაჲთა, ყოვლითამოთმინებითა და სულგრძელებითა, სიხარულით,

¹²ვჰმადლობდით მამასა, რომელმან ღირს გუყვნა ჩუენ ნაწილსა მას მკჳდრობისაწმიდათაჲსა ნათელსა შინა,

¹³რომელმან-იგი მიჴსნნა ჩუენ ჴელმწიფებისა მისგან ბნელისა და მიმაწინა ჩუენსასუფეველსა ძისა მისისა საყუარელისასა,

¹⁴რომლისაგან მაქუს გამოჴსნაჲ და მოტევებაჲ ცოდვათა ჩუენთაჲ.

¹⁵რომელ-იგი არს ხატი ღმრთისა უხილავისაჲ, პირმშოჲ ყოველთა დაბადებულთაჲ.

¹⁶რამეთუ მის მიერ დაებადა ყოველი ცათა შინა და ქუეყანასა ზედა, ხილულნი და არა-ხილულნი, ანუ თუ საყდარნი, ანუ უფლებანი, გინა მთავრობანი და ჴელმწიფებანი-ყოველივე მის მიერდა მისა მიმართ დაებადა.

¹⁷და იგი თავადი არს ყოველთა წინა, და ყოველივე მის მიერ დამტკიცნა.

¹⁸იგი არს თავი ეკლესიაჲსაჲ, რომელი არს დასაბამი, პირმშოჲ მკუდრეთით, რაჲთა იყოსიგი თავადი ყოველსა შინა მთავარ;

¹⁹რამეთუ მას შინა სათნო-იყო ყოველივე სავსებაჲ დამკჳდრებად

²⁰და მის მიერ დაგებად ყოველი მისა მიმართ, მშჳდობა-ყო სისხლითა მით ჯუარისამისისაჲთა მისთჳს, გინა ქუეყანასა ზედა, გინა თუ ცათა შინა.

²¹და თქუენ ოდესმე იყვენით უცხო-ქმნულ და მტერ გონებითა თქუენითა საქმეთაგან ბოროტთა,

²²ხოლო აწ დაგიგნა თქუენ გუამითა მით ჴორცთა მისთაჲთა და სიკუდილისაგან, რაჲთაწარგიდგინნეს თქუენ წმიდანი და უბიწონი და უბრალონი წინაშე მისსა,

²³უკუეთუ ჰგიეთ თქუენ სარწმუნოებასა ზედა დაფუძნებულნი და დამტკიცებულნი, დანუმცა შეიძრვით თქუენ სასოებისა მისგან სახარებისა, რომელ-იგი გესმა, სახარებაჲ ყოველთა მიმართდაბადებულთა ცასა ქუეშე, რომლისა ვიქმენ მე, პავლე, მსახურ.

²⁴აწ მიხარის მე ვნებათა მათ ზედა თქუენთჳს და აღვასრულებ დაკლებულთა მათ ჭირთაქრისტჱსთა ჴორცითა ჩემითა გუამისა მისისათჳს, რომელ არს ეკლესიაჲ,

²⁵რომლისა ვიქმენ მე მსახურ მოღუაწებითა მით ღმრთისაჲთა, რომელ მოცემულ არს ჩემდათქუენთჳს აღსრულებად სიტყჳსა ღმრთისაჲსა

²⁶საიდუმლოჲ იგი, დაფარული საუკუნითგან და ნათესავითგან, ხოლო აწგამოეცხადა წმიდათა მისთა,

²⁷რომელთაჲ-იგი ინება ღმერთმან უწყებად, რაჲ-იგი არს სიმდიდრჱ დიდებისა მისსაიდუმლოჲსაჲ წარმართთა შორის, რომელ არს ქრისტჱ თქუენ თანა, სასოებაჲ იგი დიდებისაჲ,

²⁸რომელსა-ესე ჩუენ ვქადაგებთ, ვასწავებთ ყოველსა კაცსა და ვჰმოძღურით ყოველსაყოვლითა სიბრძნითა, რაჲთა წარუდგინოთ ყოველი კაცი სრული ქრისტე იესუჲს მიერ.

²⁹რომლისათჳს ვშურები და ვიღუწი შეწევნისაებრ მისისა, რომელსა შეწევნასა ჰყოფს ჩემთანა ძალითა მისითა.