Read ადიშის ოთხთავი 897 წ. – ძველი მონუსკრიპტები კოლასელთა მიმართ 2 Bible Online

კოლასელთა მიმართ 2 - ადიშის ოთხთავი 897 წ. – ძველი მონუსკრიპტები bible

კოლასელთა მიმართ 2

¹რამეთუ მნებავს თქუენი, რაჲთა უწყოდით, რაოდენი ღუაწლი მაქუს მე თქუენთჳს დალავდიკელთა მათთჳს და რომელთა არა უხილავს პირი ჩემი ჴორციელად,

²რაჲთა ნუგეშინის-ცემულ იყვნენ გულნი მათნი, თანა-შეტყუებულ იყვენით სიყუარულითყოვლისა მიმართ სიმდიდრისა გულ-სავსებისა, გულისხმის-ყოფისა მეცნიერებად საიდუმლოსა მასღმრთისასა და მამისასა,

³რომელსა შინა არიან ყოველნი საუნჯენი სიბრძნისანი და მეცნიერებისანიდაფარულნი.

⁴ხოლო ამას ვიტყჳ, რაჲთა ნუ ვინმე შეურაცხ-გყვნეს თქუენ სიტყჳთა მეტნობისაჲთა;

⁵და ღათუ ჴორცითა შორს ვარ, არამედ სულითა თქუენ თანა ვარ; მიხარის, რამეთუ ვხედავთქუენსა მას წესიერებასა და მტკიცესა მაგას ქრისტჱს მიმართ სარწმუნოებასა თქუენსა.

⁶ვითარცა-ეგე გისწავიეს ქრისტე იესუჲს მიერ, მას შინაცა ვიდოდეთ,

⁷დაფუძნებულნი და აღშჱნებულნი და მას ზედა დამტკიცებულნი სარწმუნოებითა,ვითარცა-იგი ისწავეთ, აღემატებოდეთ მადლობით.

⁸ეკრძალენით, ნუ ვინმე იყოს წარმტყუენველ თქუენდა სიბრძნის მოყუარებითა მით დაცუდითა საცთურითა, მოძღურებითა კაცთაჲთა, წესითა მით ამის სოფლისაჲთა და არა ქრისტჱსმიერითა,

⁹რამეთუ მას შინა დამკჳდრებულ არს ყოველი სავსებაჲ ღმრთეებისაჲ ჴორციელად.

¹⁰და ხართ თქუენ მას შინა აღსავსე, რამეთუ იგი არს თავი ყოვლისა მთავრობისაჲ და ჴელმწიფებისაჲ,

¹¹რომლისა მიმართცა წინადაიცჳთეთ წინადაცუეთითა მით ჴელით უქმნელითა,განძარცუვითა მით გუამისა ჴორცთა თქუენთაჲსა, წინადაცუეთითა მით ქრისტჱს მიერითა.

¹²მის თანა დაეფლენით ნათლის-ღებითა მით, რომლისა თანაცა აღსდეგით სარწმუნოებითაშეწევნითა ღმრთისაჲთა, რომელმან-იგი აღადგინა მკუდრეთით.

¹³და თქუენ რამეთუ მკუდარ იყვენით შეცოდებითა და წინადაუცუეთელებითა ჴორცთათქუენთაჲთა, მის თანა განგუაცხოველნა და მოგჳტევნა ჩუენ ყოველნი შეცოდებანი.

¹⁴და აღჴოცა ჩუენთჳს ჴელით წერილი ბრძანებითა, რომელი იყო ანტაკრად ჩუენდა და იგიაღიღო შორის და შეჰმშჭუალა იგი ჯუარსა,

¹⁵განძარცუნა მთავრობანი და ჴელმწიფებანი, საჩუენებელ ქმნნა გამოჩინებითა, განაქარვნაიგინი მას შინა.

¹⁶ნუმცა ვინ განგიკითხავს თქუენ საჭმლითა და სასუმლითა და კერძო დღესასწაულისაჲთა,გინა თთჳს-თავობითა, გინა შაბათობითა,

¹⁷რომელ-იგი არს სახჱ მერმეთაჲ მათ, ხოლო ჴორცთა მათ - ქრისტჱსთა.

¹⁸ნუვინ თქუენ მძლე გექმნებინ, უნდეს ღათუ სიმდაბლითა და წესითა ანგელოზთაჲთა,რომელ-იგი არა იხილა, თავი სთნდეს და ცუდად განლაღებულ იყოს გონებითა მით ჴორცთა მისთაჲთა

¹⁹და არა შეეკრძალოს მას თავი, რომლისაგან ყოველი გუამი, სხეულთაგან და ნაწევართაშექმნულ არს და შეკრძალულ, და ორძის სიორძილსა მას ღმრთისასა,

²⁰უკუეთუ მოჰკუედით ქრისტჱს თანა წესთა მათგან ამის სოფლისათა, რაჲსაღა ვითარცაცხოველნი სოფელსა შინა ჰბრძანებთ:

²¹"ნუ მიეახლები, ნუცა გემოსა იხილავ, ნუცა შეეხები",

²²რომელ-იგი არს ყოველივე განსარყუნელად ჴუმევითა მით მცნებისა მისებრ დამოძღურებისა კაცთაჲსა?

²³რომელ-იგი არს, რეცა სიტყუაჲ რაჲმე აქუს სიბრძნისაჲ ნებსით მოთმინებითა მით წესითადა სიმდაბლითა და ურიდებითა ჴორცთაჲთა, არა თუ პატივით რაჲთმე განსაძღებელად ჴორცთა.