Read ადიშის ოთხთავი 897 წ. – ძველი მონუსკრიპტები კოლასელთა მიმართ 4 Bible Online

კოლასელთა მიმართ 4 - ადიშის ოთხთავი 897 წ. – ძველი მონუსკრიპტები bible

კოლასელთა მიმართ 4

¹და უფალნი ეგე სამართალსა და სწორსა მონათა მათ მიაგებდით; უწყოდეთ, რამეთუთქუენცა უფალი გივის ცათა შინა.

²ლოცვასა განეკრძალენით, იღჳძებდით მას შინა მადლობით;

³ილოცევდით მას თანა ჩუენთჳსცა, რაჲთა ღმერთმან განმიღოს ჩუენ კარი სიტყჳსაჲ სიტყუად საიდუმლოთა მათ ქრისტჱსთა, რომლისათჳსცა პყრობილ ვარ,

⁴რაჲთა განვაცხადო იგი, ვითარ-იგი ჯერ-არს ჩემდა სიტყუად.

⁵სიბრძნით იქცეოდით გარეშეთა მათ მიმართ და ჟამთა გამოიფრდიდით.

⁶სიტყუაჲ თქუენი მარადის მადლითა ვითარცა მარილითა შეზავებულ იყავნ, იცითმცა,ვითარ-იგი თითოეულსა ღირს სიტყჳს-მიგებაჲ.

⁷ჩემთჳს ყოველი გაუწყოს ტჳქიკოს, საყუარელმან ძმამან და სარწმუნომან მსახურმან დათანა-მონამან ჩუენმან უფლისა მიერ,

⁸რომელ-იგი მივავლინე თქუენდა ამისთჳს, რაჲთა გულისხმა-ყოს თქუენი და ნუგეშინის-სცეს გულთა თქუენთა

⁹ონესიმჱთურთ, სარწმუნოჲსა და საყუარელისა ძმისა, რომელ-იგი არს თქუენგანი;ყოველივე გაუწყოს აქაჲ.

¹⁰გიკითხავს თქუენ არისტარქოს, თანა-ტყუჱ ჩემი, და მარკოს, მამის ძმის წული ბარნაბაჲსი, - რომლისათჳს მიიღეთ მცნებაჲ; უკუეთუ მოვიდეს თქუენდა, შეიწყნარეთ იგი, -

¹¹და იესუ, რომელსა ერქუა იოსტოს, რომელნი-იგი იყვნეს წინადაცუეთილებისაგანნი;ესენი ხოლო შემწე არიან ჩემდა სასუფეველისათჳს ღმრთისაჲსა, რომელნი მექმნნეს მე ნუგეშინის-მცემელ.

¹²გიკითხავს თქუენ ეპაფრა თქუენგანი, მონაჲ ქრისტე იესუჲსი, მარადის იღუწისთქუენთჳს ლოცვათა შინა მისთა, რაჲთა მტკიცედ სდგეთ სრულნი და გულ-მხიარულნი ნებითაღმრთისაჲთა.

¹³ვეწამები მას, რამეთუ აქუს მას ფრიადი სიყუარული თქუენთჳს და ლავდიკელთა მათთჳსდა ჰიერაპოლელთა.

¹⁴გიკითხავს თქუენ ლუკა, მკურნალი საყუარელი, და დემა.

¹⁵კითხვაჲ არქუთ ლავდიკელთა მათ ძმათა და ნჳმფასა და სახლისა მისთა კრებულთა.

¹⁶და რაჟამს აღმოიკითხოთ თქუენ წიგნი ესე, ეგრე ყავთ, რაჲთა ლავდიკელთაცა ეკლესიასააღმოიკითხოს და ლავდიკელთაჲთ კუალად თქუენვე აღმოიკითხეთ.

¹⁷და არქუთ არქიპოსს: ეკრძალე მსახურებასა მაგას, რომელი მიიღე უფლისა მიერ, რაჲთაიგი აღასრულო.

¹⁸კითხვაჲ ჴელითა ჩემითა პავლჱსითა. მოიჴსენენით კრულებანი ჩემნი. მადლითქუენ თანა. ამენ.