Read ადიშის ოთხთავი 897 წ. – ძველი მონუსკრიპტები 1 თესალონიკელთა მიმართ 1 Bible Online

1 თესალონიკელთა მიმართ 1 - ადიშის ოთხთავი 897 წ. – ძველი მონუსკრიპტები bible

1 თესალონიკელთა მიმართ 1

¹პავლე და სილოანე და ტიმოთე ეკლესიათა თესალონიკელთასა ღმრთისა მიერ მამისა დაუფლისა იესუ ქრისტესა: მადლი თქუენდა და მშჳდობაჲ.

²ვჰმადლობთ ღმერთსა თქუენ ყოველთათჳს და ჴსენებასა ვჰყოფთ ლოცვათა შინა ჩუენთა.

³მოუკლებელად მოვიჴსენებთ თქუენთა მაგათ საქმეთა სარწმუნოებისათა და შურომასა სიყუარულისასა და მოთმინებასა მას სასოებისასა უფლისა ჩუენისა იესუ ქრისტჱსსა წინაშეღმრთისა და მამისა ჩუენისა.

⁴უწყოდეთ, ძმანო საყუარელნო ღმრთისანო, რჩეულებაჲ ეგე თქუენი.

⁵რამეთუ სახარებაჲ ესე ჩუენი არა ცუდად იყო თქუენდა მიმართ არა ხოლოსიტყჳთა, არამედ ძალითაცა და სულითა წმიდითა და გულ-ქველებითა მრავლითა, ვითარცა-ეგე იცით,რაბამ ვიქმნენით ჩუენ თქუენდა მიმართ თქუენთჳსვე.

⁶და თქუენ მობაძავ ჩუენდა იქმნენით და უფლისა, რამეთუ შეიწყნარეთ სიტყუაჲ იგი ჭირსაშინა მრავალსა სიხარულითა სულისა წმიდისაჲთა,

⁷ვითარმედ იქმნენითცა თქუენ სახე ყოველთა მათ მორწმუნეთა, რომელნი არიანმაკედონიას შინა და აქაიას.

⁸რამეთუ თქუენ მიერ მიმოეფინა სიტყუაჲ იგი უფლისაჲ არა ხოლო მაკედონიას შინა დააქაიას, არამედ ყოველთა ადგილთა სარწმუნოებაჲ ეგე თქუენი ღმრთისა მიმართ განეფინა, ვითარმედარღარა რაჲ გჳჴმს ჩუენ სიტყუად რაჲმე.

⁹მაგათ თჳთ გითხრან თქუენ ჩუენთჳს, რომელი შესლვაჲ გუაქუნდა თქუენდა მიმართ,ვითარ-იგი მოიქეცით კერპთაგან მონებად ღმრთისა ცხოველისა და ჭეშმარიტისა,

¹⁰მოლოდებად ძისა მისისა ზეცით, რომელი აღადგინა მკუდრეთით, იესუ, მჴსნელი ჩუენი,რისხვისა მისგან მომავალისა.