Read ადიშის ოთხთავი 897 წ. – ძველი მონუსკრიპტები 1 თესალონიკელთა მიმართ 2 Bible Online

1 თესალონიკელთა მიმართ 2 - ადიშის ოთხთავი 897 წ. – ძველი მონუსკრიპტები bible

1 თესალონიკელთა მიმართ 2

¹თქუენ თჳთ უწყით, ძმანო, შემოსლვაჲ იგი ჩუენი თქუენდა მიმართ, რამეთუ არა ცუდადრაჲ იყო;

²არამედ წინაჲსწარ ვივნეთ და ვიგინენით, ვითარცა-იგი უწყით, ფილიპეს შინა,განვეცხადენით ღმრთისა ჩუენისა მიერ სიტყუად თქუენდა მიმართ სახარებასა მას ღმრთისასამრავლითა ღუაწლითა.

³რამეთუ ნუგეშინის-ცემაჲ ესე ჩუენი არა საცთურისაგან, არცა არა-წმიდებისაგან, არცაზაკუვით,

⁴არამედ ვითარცა-იგი გამოცდილ ვართ ღმრთისაგან რწმუნებად ჩუენდა სახარებაჲ იგი,ეგრეცა ვიტყჳთ, არა ვითარცა კაცთა სათნო-ვეყოფით, არამედ ღმერთსა, რომელი გამომცდელი არსგულთა ჩუენთაჲ.

⁵რამეთუ არასადა სიტყჳთა ქენებისაჲთა ვიყვენით, ვითარცა-ეგე თქუენ უწყით, არცამიზეზითა ანგაჰრებისაჲთა, ღმერთი მოწამე არს.

⁶არცა ვეძიებდით კაცთაგან დიდებასა, არცა თქუენგან, არცა სხუათაგან; და ესეჴელ-ღა-გუეწიფების, თუმცა რაჲმე დაგამძიმეთ, ვითარცა ქრისტჱს მოციქულთა.

⁷არამედ ვიქმნენით ჩუენ მდაბალ თქუენ შორის, ვითარცა-იგი მზრდელი რაჲ ზრდინშვილთა თჳსთა.

⁸ეგრეთ მსუროდა თქუენდა, ჯერ-გჳჩს მიცემად თქუენდა არა ხოლო სახარებაჲ იგიღმრთისაჲ, არამედ სულნიცა თჳსნი, რამეთუ საყუარელ ჩუენდა იქმნენით.

⁹მოიჴსენენით, ძმანო, შურომანი იგი ჩუენნი და რუდუნებანი, ღამე და დღე ვიქმთ, რაჲთაარავის დავამძიმოთ თქუენგანსა და ესრჱთ ვქადაგებდით სახარებასა მას ღმრთისასა თქუენდა მიმართ.

¹⁰თქუენ მოწამე ხართ და ღმერთი, ვითარ-იგი ღირსად და უბიწოდ თქუენ მორწმუნეთამიმართ ვიქცეოდეთ,

¹¹ვითარცა-ეგე იცით, რამეთუ კაცად-კაცადსა თქუენსა, ვითარცა მამაჲ შვილსა, ეგრეთნუგეშინის-გცემდით თქუენ

¹²და გიწამებდით, რაჲთა იქცეოდით თქუენ ღირსად ღმრთისა, რომელმან-იგი გიჩინნათქუენ თჳსსა მას სასუფეველსა და დიდებასა.

¹³და ამისთჳსცა ვჰმადლობ ღმერთსა მოუკლებელად, რამეთუ მიიღეთ თქუენსიტყუაჲ იგი სმენისა ღმრთისაჲ ჩუენ მიერ და შეიწყნარეთ არა თუ ვითარცა სიტყუაჲ კაცისაჲ, არამედვითარცა არს ჭეშმარიტად სიტყუაჲ ღმრთისაჲ, რომელცა-იგი შეწევნასა აჩუენებს თქუენ შორისმორწმუნეთა მაგათ.

¹⁴რამეთუ თქუენ მობაძავ იქმნენით, ძმანო, ეკლესიათა ღმრთისათა, რომელნი არიანჰურიასტანს ქრისტე იესუჲს მიმართ, რამეთუ ეგრევე გევნო თქუენცა თჳსთაგან ტომთა, ვითარცა-იგიმათ ჰურიათაგან,

¹⁵რომელთა-იგი უფალი მოკლეს იესუ და წინაჲსწარმეტყუელნი და ჩუენ გამოგუდევნნესდა ღმერთსა არა სათნო-ეყვნეს და ყოველთა კაცთა წინააღმდგომ არიან,

¹⁶მაბრკოლებელ ჩუენ წარმართთა მიმართ სიტყუად, რაჲთა ცხოვნდენ, რაჲთა აღესრულნენცოდვანი მათნი მარადის; რამეთუ მოიწია მათ ზედა რისხვაჲ სრულად.

¹⁷ხოლო ჩუენ, ძმანო, ობოლ ღათუ ვიქმნენით თქუენგან წუთერთ ჟამ პირითა და არაგულითა, უმეტჱსად ვისწრაფეთ პირისა თქუენისა ხილვად მრავლითა წადიერებითა.

¹⁸რამეთუ ვინებეთ მისლვაჲ თქუენდა მე, პავლე, ერთგ-ზის და ორ-გზის, და დამაბრკოლნაჩუენ მჴდომმან.

¹⁹ვინ-მე არს სასოებაჲ ჩუენი ანუ სიხარული ანუ გჳრგჳნი სიქადულისა ჩუენისაჲ? ანუ არათქუენ წინაშე უფლისა ქრისტე იესუჲსსა მას მოსლვასა?

²⁰რამეთუ თქუენ ხართ დიდებანი ჩუენნი და სიხარულნი.