Read ადიშის ოთხთავი 897 წ. – ძველი მონუსკრიპტები 1 თესალონიკელთა მიმართ 3 Bible Online

1 თესალონიკელთა მიმართ 3 - ადიშის ოთხთავი 897 წ. – ძველი მონუსკრიპტები bible

1 თესალონიკელთა მიმართ 3

¹ამის გამო ვერღარა დავთმეთ, ჯერ-გჳჩნდა დაშთომაჲ ათენას შინა მარტოთა

²და მივავლინეთ ტიმოთე, ძმაჲ ჩუენი და მსახური ღმრთისაჲ სახარებასა მას ქრისტჱსსა,რაჲთა დაგამტკიცნეს თქუენ და ნუგეშინის-გცეს სარწმუნოებისა მაგის თქუენისათჳს,

³რაჲთა არარას იურვოდით ჭირთა ამას შინა, რამეთუ თქუენ უწყით, ვითარმედ ვდგათ-ვეამისთჳს.

⁴და ვიდრე-იგი თქუენ თანაღა ვიყვენით, წინაჲსწარ გითხრობდით თქუენ, ვითარმედ ჭირსაშესლვად ვართ, ვითარცა-ესე იყო და უწყით.

⁵ამისთჳს ვერღარა დავთმე და მივავლინე ტიმოთე, რაჲთა ვცნა თქუენი ეგე სარწმუნოებაჲ, ნუუკუე განგცადნა თქუენ განმცდელმან მან, და ცუდად იყო შურომაჲ იგი ჩუენი.

⁶ხოლო აწღა მოვიდა ტიმოთე ჩუენდა თქუენით და მახარა ჩუენ სარწმუნოებაჲ დასიყუარული თქუენი და, რამეთუ გაქუს ჴსენებაჲ ჩუენი კეთილი მარადის, გული გეტყჳს ხილვადჩუენდა, ვითარცა-ესე ჩუენ თქუენდა.

⁷ამისთჳს ნუგეშინის-ცემულ ვიქმნენით, ძმანო, თქუენ ზედა ყოველთა ამათ ურვათა ჭირთათქუენთა თქუენითა მაგით სარწმუნოებითა,

⁸რამეთუ აწ ვცხოვნდით, უკუეთუ თქუენ მტკიცედ სდგეთ უფლისა მიერ.

⁹რაოდენსა მე მადლსა შემძლებელ ვართ მიცემად ღმერთსა თქუენთჳს ყოველსა მასსიხარულსა ზედა, რომელ გჳხარის თქუენთჳს წინაშე ღმრთისა ჩუენისა.

¹⁰ღამე და დღე უმეტჱსადღა ვევედრებით ხილვად პირისა თქუენისა და განმტკიცებადდაკლებული იგი სარწმუნოებისა თქუენისაჲ.

¹¹ხოლო თავადმან ღმერთმან და მამამან ჩუენმან და უფალმან ჩუენმან იესუწარჰმართენინ გზანი ჩუენნი თქუენდა მიმართ.

¹²ხოლო თქუენ უფალმან გარდაგრიენ და გარდაგმატენ ყოველთა მიმართ, ვითარცა-ესეჩუენ თქუენდა მიმართ,

¹³რაჲთა განმტკიცნენ გულნი თქუენნი უბიწოდ და სიწმიდით წინაშე ღმრთისა და მამისაჩუენისა მოსლვასა მას უფლისა ჩუენისა იესუ ქრისტჱსსა ყოველთა თანა წმიდათა მისთა.