Read ადიშის ოთხთავი 897 წ. – ძველი მონუსკრიპტები 1 თესალონიკელთა მიმართ 4 Bible Online

1 თესალონიკელთა მიმართ 4 - ადიშის ოთხთავი 897 წ. – ძველი მონუსკრიპტები bible

1 თესალონიკელთა მიმართ 4

¹ხოლო აწ, ძმანო, გეტყჳ თქუენ და გლოცავ უფლისა მიერ იესუ ქრისტჱსა, რაჲთა ვითარცა-იგი ისწავეთ ჩუენგან, ვითარ ჯერ-არს თქუენდა სლვაჲ და სათნო-ყოფაჲ ღმერთსა, რაჲთა ჰმატებდეთუფროჲს;

²რამეთუ იცით, რაოდენნი მცნებანი გამცენით თქუენ უფლისა მიერ იესუჲსა.

³რამეთუ ესე არს ნებაჲ ღმრთისაჲ, სიწმიდჱ ეგე თქუენი, განშოვრებაჲ ეგე თქუენისიძვისაგან,

⁴უწყებად კაცად-კაცადისა თქუენისა თავისა თჳსისა ჭურჭელი მოგებად სიწმიდით დაპატივით,

⁵ნუ ვნებითა გულის თქუმისაჲთა, ვითარცა-იგი წარმართნი, რომელთა არა იციანღმერთი,

⁶რაჲთა არა გარდაჴდეთ და მოანგაჰრებდეთ საქმესა ძმისა თჳსისასა, რამეთუ შურის-მეძიებელ არს უფალი ამის ყოვლისათჳს, ვითარცა-იგი წინაჲსწარ გარქუთ თქუენ და გიწამებდით.

⁷რამეთუ არა გჳჩინნა ჩუენ უფალმან არა-წმიდებად, არამედ სიწმიდედ.

⁸ამიერითგან რომელმან შეურაცხ-ყოს, არა კაცი შეურაცხ-ყოს, არამედ ღმერთი, რომელმანცამოგცა სული წმიდაჲ მისი თქუენ ზედა.

⁹ხოლო ძმათ მოყუარებისათჳს არა გჳჴმს ჩუენ მიწერად თქუენდა, რამეთუ თქუენ ყოველნიღმრთით სწავლულნი ხართ სიყუარულისათჳს ურთიერთას

¹⁰და რამეთუ ჰყოფთცა მას ყოველთა მიმართ ძმათა, რომელნი არიან ყოველსა მაკედონიასა.გლოცავ თქუენ, ძმანო, ჰმატებდითღა უფროჲს

¹¹და პატივის-ცემის მოყუარე იყვენით, ყუდრო იყვენით და იქმოდეთ თჳსსა დაშურებოდეთ ჴელითა თქუენითა, ვითარცა-იგი გამცენით თქუენ,

¹²რაჲთა იქმოდით თქუენ შუენიერად გარეშეთა მათ მიმართ, და ნურაჲ ვისი გიჴმნ.

¹³არა მნებავს უმეცრებაჲ თქუენი, ძმანო, შესუენებულთა მათთჳს, რაჲთა არა სწუხდეთ,ვითარცა-იგი სხუანი, რომელთა არა აქუს სასოებაჲ.

¹⁴უკუეთუ გურწამს, ვითარმედ იესუ მოკუდა და აღდგა, ეგრეცა ღმერთმან შესუენებულნიიგი იესუჲს მიერ მოიყვანნეს მის თანა.

¹⁵ამას გეტყჳ თქუენ სიტყჳთა უფლისაჲთა, რამეთუ ჩუენ, ცხოველნი ესე, რომელნიდაშთომილ ვიყვნეთ მოსლვასა მას უფლისასა, ვერ მივეწიფნეთ შესუენებულთა მათ,

¹⁶რამეთუ თავადი უფალი ბრძანებითა და ჴმითა ანგელოზთ მთავრისაჲთა და საყჳრითაღმრთისაჲთა გარდამოჴდეს ზეცით, და მკუდარნი იგი ქრისტჱს მიერნი აღდგენ პირველად;

¹⁷და მაშინღა ჩუენ, ცხოველნი, რომელნი ესე დაშთომილ ვიყვნეთ, მათ თანავე აღვიტაცნეთღრუბლითა შემთხუევად უფლისა ჰაერთა ზედადა ესრ ჱთ მარადის უფლისა თანა ვიყოფოდით.

¹⁸ამიერითგან ნუგეშინის-სცემდით ურთიერთას სიტყჳთა ამით.